٣٩٧٠١۔۔۔ لوگو ! جانتے ہو میں نے تمہیں یہاں کیوں جمع کیا ؟ میں نے تمہیں اللہ کی قسم ! نہ کسی چیز کے خوف کے لیے جمع کیا اور نہ کسی چیز میں رغبت کے لیے بات یہ ہے کہ تمیم داری پہلے نصرانی تھے وہ آئے بیعت ہو کر مسلمان ہوئے انھوں نے مجھ سے ایسی بات بیان کی جو میں تم سے خیر سے محروم دجال کے بارے میں کرتا تھا انھوں نے بیان کیا : کہ وہ بحری جہاز میں سوار ہوئے جس میں قبیلہ لخم وجذام کے آدمی تھے تو ایک ماہ تک موجیں ان سے اٹکھیلیاں کھیلتی رہیں پھر وہ ایک سمندر جزیرہ کے پاس لنگر انداز ہوئے جو سورج غروب ہونے کی جانب ہے چنانچہ یہ لوگ جہاز کی چھوٹی کشتیوں میں بیٹھ کر جزیرہ میں داخل ہوگئے تو اس میں ایک جانور ملا جو سرتاپیر بالوں پر مشتمل ہے بالوں کی کثرت سے اس کے آگے پیچھے کا پتہ نہ چلتا تھا لوگوں نے اس سے کہا : اے تو کیا چیز ہے ؟ وہ بولا : میں جساسہ ہوں لوگوں نے کہا : جساسہ کیا ہوتا ہے اس نے کہا لوگو ! اس شخص کے پاس جاؤ جو گرجا میں ہے کیونکہ اسے تمہاری خبر کی بڑی چاہت ہے کہتے ہیں : جب اس نے ہمارے سامنے آدمی کا نام لیا تو ہم ڈرگئے کہیں شیطان نہ ہو بہرکیف ہم جلدی سے چل کر گرجے میں داخل ہوگئے کیا دیکھتے ہیں وہاں بہت بڑا انسان ہے اور اس کے ہاتھ موڑ کر گردن اور گھٹنے ٹخنوں سے جوڑ کر لوہے کی زنجیروں سے کسے ہوتے ہیں ہم نے اس سے کہا : تو کیا چیز ہے ؟ وہ کہنے لگا : جب تمہیں میرا پتہ مل ہی گیا تو پہلے تم بتاؤ تم کون ہو ؟ انھوں نے کہا : ہم عرب لوگ ہیں سمندری جہاز میں سوار ہوئے تو سمندری طوفان نے ایک مہینہ تک ہمیں موجوں کا کھلونا بنائے رکھا پھر ہم نے تمہارے جزیرہ کا رخ کیا اور اپنی کشتیوں میں بیٹھ کر جزیرہ میں داخل ہوگئے تو وہاں ہماری ملاقات ایک سرتاپا بالوں والے جانور سے ہوئی بالوں کی کثرت سے اس کے منہ وشرمگاہ کا پتہ نہ چلتا تھا ہم نے اس سے کہا : ترا ناس ہوا تو کیا چیز ہے ؟ اس نے کہا : میں جساسہ ہوں ہم نے کہا : جساسہ کیا بلا ہے اس نے کہا : اس شخص کے پاس جاؤ جو اس گرجے میں ہے وہ تمہاری خبر کا بڑا شوقین ہے تو ہم نے جلدی سے تمہارا رخ کیا اور اس سے خوفزدہ ہوگئے کہیں کوئی جن نہ ہو۔
(تب) اس نے کہا : سیان کے نخلستان کا سارہم نے کہا : تو اس کے متعلق کیا پوچھتا ہے وہ بولا : میں پوچھتا ہوں کیا اس کی کھجوریں پھلدار ہوئیں ہم نے کہا : ہاں تو وہ بولا : عنقریب اب وہ پھل نہیں دیں گی کہنے لگا بحیرہ طبریہ کا بتاؤ ؟ ہم نے کہا : اس کی کس حالت کا تم پوچھ رہے ہو ؟ کہنے لگا : کیا اس میں پانی ہے ہم نے کہا اس میں بڑا پانی ہے کہنے لگا : عنقریب اس کا پانی خشک ہوجائے گا پھر اس نے کہا : زغرنامی نہر کا بتاؤ ہم نے کہا : اس کی کونسی بات پوچھتے ہو ؟ کہنے لگا : کیا نہر میں پانی ہے اور لوگ نہر کے پانی سے آبپاشی کرتے ہیں ہم نے کہا : ہاں اس میں بلیوں پانی ہے لوگ اسی سے آبپاشی کرتے ہیں۔
کہنے لگا : مجھے ان پڑھوں کے نبیوں کا بتاؤ ان کا کیا ہوا کیا وہ نکل آئے ؟ تو ہم نے اس سے کہا : ہاں وہ مکہ سے نکلے اور یثرب قیام کرلیا ہے کہنے لگا : کیا عربوں نے ان سے جنگ کی ہے ؟ ہم نے کہا ہاں کہنے لگا نبی نے ان سے کیا برتاؤ کیا ؟ ہم نے کہا : کہ وہ اپنے قریبی عربوں پر غالب آگئے اور انھوں نے آپ کی اطاعت قبول کرلی ہے اس نے کہا : کیا ایسا ہوچکا ہے ؟ ہم نے کہا : ہاں کہنے لگا : ان کے لیے یہی بہتر ہے کہ آپ کی اطاعت قبول کرلیں اب میں تمہیں اپنے بارے میں بتاتا ہوں خیر سے محروم دجال ہوں عنقریب مجھے باہر نکلنے کی اجازت ملے گی باہر نکال کر میں زمین پر چالیس دن چلتے ہر بستی میں داخل ہوجاؤں گا صرف مکہ اور مدینہ میں نہ جاسکوں گا وہ دونوں میرے لیے حرام ہیں جب بھی میں ان میں سے کسی ایک میں جانے کا ارادہ کروں گا میرے سامنے ایک فرشتہ تلوار سونتے آجائے گا اور مجھے اس سے روک دے گا اس کے ہر درے پر حفاظت کے لیے فرشتے ہوں گے۔
کیا میں تمہیں نہ بتاؤں یہ طیبہ ہے طیبہ ہے طیبہ ہے کیا میں نے تم سے یہ بیان نہیں کیا مجھے تمیم کی بات اچھی لگی وہ میری اس بات کے موافق ہے جو میں نے تم سے مکہ اور مدینہ کی نسبت کی ہے خبردار ! وہ شام یایمن کے سمندر میں ہے نہیں بلکہ مشرق کی جانب جب کہ وہ (تمیم داری والا) وہاں نہیں (اصلی دجلہ) مشرق کی جانب ہے جب کہ وہ (جیس اسہ والا) مشرق میں نہیں (مسند احمد مسطبرانی فی الکبیر عن فاظمۃ بنت قیس زاداطبرانی فی آخرہ): بلکہ وہ عراقی سمندر میں ہے بلکہ وہ عراقی سمندر میں ہے بلکہ وہ عراق سمندر میں ہے وہ اصبہان نامی شہر کی راستقاباد نامی بہتی سے نکلے گا جب وہ نکلے تو اس کے لشکر کے پہلے حصہ میں ستر ہزار ہوں گے جن کے سروں پر تاج ہوں گے اس کے ساتھ دونہریں ہوں گی پانی کی اور آگ کی جس نے ان میں سے اسے پایا تو اس سے کہا جائے گا : پانی میں اترو وہ ہرگز اس میں نہ اترے کیونکہ وہ آگ ہوگی اور جب اس سے کہا جائے آگ میں داخل ہوجاؤ تو اس میں داخل ہوجائے کیونکہ وہ پانی ہوگا۔