٣٩٧٠٢۔۔۔ ابواسامہ مجالد، عامر ان کی سلسلہ سند میں روایت ہے فرماتے مجھے فاطمہ بنت قیس (رض) نے بتایا فرماتی ہیں ایک دفعہ رسول اللہ (صلی اللہ علیہ وآلہ وسلم) دوپہر کے وقت باہر نکلے آپ نے نماز پڑھی اور منبر پرچڑھے لوگ کھڑے ہوگئے آپ نے فرمایا : لوگو ! بیٹھ جاؤ ! میں اپنی اس جگہ کسی ایسے کام کے لیے کھڑا نہیں ہوا جس نے تمہاری رغبت یا خوف کو کم کرنا ہے۔ کیونکہ آپ ایسے وقت منبر پر چڑھے جس میں کوئی بھی نہیں منبر پر بیٹھتا۔ لیکن تمیم داری میرے پاس آکر مجھے بتانے لگے کہ ان کے چیچروں کا ایک گروہ بحری سفر پر روانہ ہوا دوران سفر طوفانی ہوا نے انھیں جزیرہ کی طرف جانے پر مجبور کردیا جسے وہ جانتے نہ تھے پھر وہ جہاز کی ڈونگیوں پر بیٹھ کر جزیرہ کی طرف چل نکلے (وہاں پہنچے) تو انھیں ایک بہت زیادہ بالوں والی چیز ملی یہ پتہ نہیں چلتا تھا کہ وہ مرد ہے یا عورت لوگوں نے اس سے کہا : تو کیا ہے وہ کہنے لگی : میں جساسہ ہوں انھوں نے کہا : ہمیں بتاتو کون ہے ؟ وہ کہنے لگی نہ میں تمہیں کچھ بتانے کی اور نہ تم سے کچھ پوچھنے کی البتہ اس گرجے میں جاؤ جو تمہیں نظر آرہا ہے وہاں جاؤ اس میں ایک مرد ہے وہ تم سے پوچھنے اور تمہیں بتانے کا بڑا شوقین ہے چنانچہ یہ لوگ چل پڑے گرجے میں پہنچے اندر جانے کی اجازت چاہی تو انھیں اجازت مل گئی اس کے پاس گئے کیا دیکھتے ہیں ایک بوڑھا جس پر غم کے آثار عیاں ہیں انتہائی تکلیف میں زنجیروں۔
میں مضبوطی سے کسا ہوا ہے انھوں نے اسے سلام کیا اس نے جواب دیا : وہ ان سے کہتا ہے تم کون لوگ ہو ؟ انھوں نے کہا : شامی کہتا ہے : کس قوم سے انھوں نے کہا : عرب کہنے لگا : عرب کا کیا بنا ؟ کہاں ان کا نبی ابھی تک نہیں آیا ؟ لوگوں نے کہا : آچکا ہے کہنے لگا : جو شخص ان میں ظاہر ہوا ہے کیسا ہے ؟ کہنے لگے : اچھا ہے اس کی قوم نے اس کا دین قبول کرلیا اور اللہ تعالیٰ نے اسے ان پر غلبہ دے دیا ہے اس نے انھیں اللہ تعالیٰ کی عبادت کرنے کا حکم دیا ہے ۔۔۔ کثرت میں بھی ان کا معبود ایک ہے کہنے لگا یہی ان کے لیے بہتر ہے۔
اس نے کہا : زغر کی نہر کا کیا بنا ؟ انھوں نے کہا : ٹھیک ہے لوگ اس سے سیراب ہوتے اور اپنی فصلوں کو سیراب کرتے ہیں کہنے لگا : عمان اور بیسان کے درمیان کھجوروں کے باغ کا کیا ہوا انھوں نے کہا : وہ ہر سال پھل دیتا ہے اس نے کہا : بحیرہ طبریہ کا کیا بنا لوگوں نے کہا : پانی سے پر ہے اور اس کی کنارے پانی سے چھلک رہے ہیں تو اس نے تین چیخیں ماریں اور کہنے لگا : اگر میں اپنی ان زنجیروں سے کھل جاتا تو زمین کے ہر ٹکڑے کو اپنے پاؤں سے روند ڈالتا سوائے مدینہ کے میرا نہ اس پر کوئی بس ہے۔
اور نہ زور۔ “
تو رسول اللہ (صلی اللہ علیہ وآلہ وسلم) نے فرمایا : اس بات تک تو میری خوشی کی انتہا نہ رہی یہ طیبہ ہے اس ذات کی قسم ! جس کے قبضہ قدرت میں میری جان ہے یہ طیبہ ہے یقیناً اللہ تعالیٰ نے میرے حرم کو دجال کے لیے حرام قرار دیا ہے کہ وہ اس میں داخل ہوسکے پھر آپ (صلی اللہ علیہ وآلہ وسلم) نے قسم کھائی اس میں جو بھی تنگ یا کشادہ راستہ یا پہاڑ ہے اس پر ایک فرشتہ قیامت تک اپنی تلوار سونتے کھڑا ہے۔ مدینہ والوں کے پاس دجال نہیں آسکے گا : مجالد کہتے ہیں مجھے عامر نے بتایا : کہ میں نے اس حدیث کا ذکر قاسم بن محمد سے کیا تو قاسم کہنے لگے : میں گواہی دیتا ہوں کہ (میری پھوپھی) حضرت عائشہ (رض) نے مجھ سے یہ روایت بیان کی ہے البتہ انھوں نے یہ کہا ہے دجال کے لیے دو حرام حرام ہیں مکہ اور مدینہ عامر کہتے ہیں : میں محزبن ابوہریرہ سے ملا اور ان کے سامنے فاطمہ کی حدیث بیان کی تو وہ کہنے لگے : میں اپنے والد کے بارے میں یہ گواہی دیتا ہوں کہ انھوں نے مجھ سے ایسا ہی بیان کیا ہے جیسا تم سے فاطمہ (رض) نے بیان کیا ہے صرف ایک حرف کم ہے وہ یہ کہ میرے والد نے اس میں ایک باب کا اضافہ کیا ہے فرمایا : تو رسول اللہ (صلی اللہ علیہ وآلہ وسلم) نے مشرق کی جانب ایک لے کر کھینچی جو بیس مرتبہ کے قریب ہوگی۔ (رواہ ابن ابی شیبہ)