٣٩٧٥١۔۔۔ (ازمسند جابربن عبداللہ) جعفربن محمد اپنے والد سے وہ جابربن عبداللہ (رض) سے روایت کرتے ہیں فرماتے ہیں کہ رسول اللہ (صلی اللہ علیہ وآلہ وسلم) نے فرمایا : میری شفاعت میری امت کے اہل کبائر کے لیے ہے میں نے عرض کیا، جابر یہ کیا بات ہوئی ؟ فرمایا، ہاں محمد ! بات یہ ہے کہ جس کی نیکیاں زیادہ ہوں وہ تو بغیر حساب وکتاب جنت میں جائے گا اور جس کی اچھائیاں اور برائیں برابر ہوئیں اس سے آسان حساب لیا جائے گا پھر جنت میں بھیج دیا جائے گا اور رسول اللہ (صلی اللہ علیہ وآلہ وسلم) کی شفاعت تو اس کے لیے جس نے اپنے آپ کو ہلاکت میں ڈالا یا اپنی پیٹھ ہر گناہ کا بوجھ لادا۔ (بیھقی فی البعث ابن عساکر ابن ماجہ)