٣٩٧٥٤۔۔۔ (ازمسند ابن عباس) ہر نبی ایک دعا ہوتی ہے ان میں سے ہر ایک نے اپنی دعا دنیا میں مانگ لی جبکہ میں نے اپنی شفاعت کے لیے ذخیرہ کر چھوڑی ہے تاکہ قیامت کے روز میری امت کے کام آئے، سنو ! قیامت کے روز میں اولاد آدم کا سردار ہوں گا یہ کوئی فخر نہیں قیامت کے روز پہلے پہل میری قبر کھولے گی یہ کوئی فخر نہیں دائیں ہاتھ میں حمد کا جھنڈا ہوگا جس تلے آدم سے لیکر دوسرے انبیاء ہوں گے یہ کوئی فخر نہیں اس دن لوگوں کی پریشانی بڑھ جائے گی وہ کہیں گے چلوآدم ابوالبشر کے پاس تاکہ وہ ہمارے لیے ہمارے رب سے سفارش کریں تاکہ ہمارے لیے فیصلہ کیا جائے چنانچہ وہ آدم (علیہ السلام) کے پاس آکر کہیں گے آپ کو اللہ تعالیٰ نے اپنے ہاتھ سے پیدا کیا اپنی جنت میں ٹھہرایا فرشتوں کا سجدہ کروایا ہمارے رب سے سفارش کریں تاکہ فیصلہ فرمائے وہ فرمائیں گے : میں اس کا اہل نہیں مجھے اپنی لغزش کی وجہ سے جنت سے نکلنا پڑا آج مجھے اپنی ہی فکر ہے البتہ تم نوح کے پاس جاؤ جو سب سے پہلے نبی ہیں چنانچہ وہ نوح (علیہ السلام) کے پاس آکر کہیں گے : ہمارے رب سے سفارش کریں تاکہ فیصلہ کر فرمائے، وہ فرمائیں گے میں اس کا اہل نہیں میں نے بددعاکرکے زمین والوں ڈبویا آج مجھے اپنی ہی فک رہے البتی تم ابراہیم (علیہ السلام) کے پاس جاؤ جو اللہ کے خلیل ہیں وہ ابراہیم (علیہ السلام) کے پاس آئیں گے ہمارے لیے سفارش کریں تاکہ فیصلہ کیا جائے وہ فرمائیں گے : میں اس کا اہل نہیں میں نے اسلام میں تین توریے کئے (بظاہرجھوٹ بولے) ہیں آج مجھے اندیشہ ہے اللہ کی قسم انھوں نے صرف اللہ تعالیٰ کی دین کا ارادہ کیا ایک یہ کہ میں بیمار ہوں، دوم، بلکہ یہ بتوں کی توڑپھوڑ کا کام ان کے بڑے نے کیا ہے اور تیسرا ان کا سارہ کو یہ کہنا کہ نمرود سے کہا کہ وہ میرے بھائی ہیں البتہ تم موسیٰ کے پاس جاؤ وہ ایسے بندے ہیں جنہیں اللہ تعالیٰ اپنی رسالت اور اپنے کلام کے ساتھ چن لیا ہے وہ موسیٰ (علیہ السلام) کے پاس آکر کہیں گے : ہمارے لیے ہمارے رب سے سفارش کریں تاکہ فیصلہ کیا جائے وہ کہیں گے : میں اس کا اہل نہیں میں نے ایک شخص کو ناحق قتل کردیا تھا آج مجھے اپنی پریشانی ہے البتہ تم عیسیٰ روح اللہ اور اس کے کلمہ کے پاس جاؤ وہ عیسیٰ (علیہ السلام) کے پاس آکر کہیں گے ہمارے لیے ہمارے رب سے سفارش کریں تاکہ فیصلہ کیا جائے وہ فرمائیں گے میں اس کا اہل نہیں مجھے اور میری والدہ کو اللہ کے سوا معبود بنایا گیا دیکھو اگر کوئی سامان کسی تھیلے میں پڑاجس پر مہر لگی تو مہر توڑے بغیر تھیلے کی چیز حاصل کی جاسکتی ہے ؟ وہ کہیں گے میں آپ فرمائیں گے : آج محمد (صلی اللہ علیہ وآلہ وسلم) بھی حاضر ہیں ان کی اگلی پچھلی (اگر بالفرض میں بھی) سب خطائیں بخش دی گئی ہیں چنانچہ لوگ میرے پاس آئے گے کہیں گے ہمارے لیے ہمارے رب سے سفارش کریں تاکہ فیصلہ کیا جائے میں کہوں گا ہاں میں ہی اس کا اہل ہوں یہاں تک کہ اللہ تعالیٰ جس سے راضی ہو اور جس کے لیے اجازت دے پھر جب اللہ تعالیٰ اپنی مخلوق میں فیصلہ کرنا چاہے گا تو ایک اعلان کرنے والا اعلان کرے گا : احمد اور ان کی امت کہاں ہے ؟ میں اٹھوں گا اور میری امت میرے پیچھے ہوگی وضو و پاکیزگی سے ان کی پیشانیاں اور ایڑیاں چمک رہی ہونگی ہمیں پہلے اور پیچھے ہوں گے سے پہلے ہمارا حساب ہوگا امتیں ہمارے لیے راستہ کشادہ کردیں گی امتیں کہیں گی لگتا ہے یہ سب امت انبیاء ہیں میں جنت کے دروازے پر جاکر دستک دوں گا کہا جائے گا کون ؟ میں کہوں گا : احمد تو میرے لیے دروازہ کھل جائے گا میں اپنے رب کے پاس جاؤں گا وہ کرسی پر ہوں گے (جیسا ان کی شان کے مطابق ہے) میں سجدہ ریزہو کر اپنے رب کی ایسی ایسی تعریفیں کروں گا جو نہ مجھ سے پہلے کسی نے کی ہونگی اور نہ میرے بعد کوئی کرے گا مجھ سے کہا جائے گا : اپنا سر اٹھاؤ کہو تمہاری بات سنی جائے گی مانگو تمہیں عطا کیا جائے گا شفاعت کرو تمہاری شفاعت قبول کی جائے گی پھر کہا جائے گا : جاؤجس کے دل میں اتنی اتنی بھی خیر (ایمان) ہے اسے جہنم سے نکال لو میں جاؤں گا اور انھیں نکال لاؤں گا پھر اپنے رب کے پاس آکرسجدہ ریزہ ہوں گا کہا جائے گا : سر اٹھاؤ تمہاری بات سنی جائے گی شفاعت کرو قبول کی جائے گی مانگو عطا کیا جائے گا پھر میرے لیے ایک حد مقرر کی جائے گی تو میں انھیں جہنم سے نکال لوں گا۔ (ابوداود طیالسی احمد)