٣٩٧٥٥۔۔۔ ام سلمہ (رض) سے روایت ہے فرماتی ہیں رسول اللہ (صلی اللہ علیہ وآلہ وسلم) نے فرمایا : میں اپنی امت کے بارے لوگوں کے لیے بہترین آدمی ہوں تومزینہ کے ایک شخص نے عرض کیا یارسول اللہ ! جب آپ ان کے برے لوگوں کے لیے ہیں تو نیکوں کے لیے کیسے ہیں ! فرمایا : میری امت کے نیک لوگ اپنے اعمال کی وجہ سے جنت میں چلے جائیں گے اور میری امت کے برے لوگ میری شفاعت کا انتظارکریں گے سنو ! وہ قیامت کے روز میری تمام امت کے لیے جائز ہوگی صرف وہ شخص محروم ہوگا جو میرے صحابی کی شان گھٹاتا ہوگا۔ (الشیرازی فی الالقاب وابن البخار)