3980: (مراسیل مکحول) حضرت مکحول (رض) سے مروی ہے کہ رسول اللہ (صلی اللہ علیہ وآلہ وسلم) جب مکہ میں داخل ہوئے تو جن آپ پر انگار پھینکنے لگے۔ جبرائیل (علیہ السلام) نے فرمایا : اے محمد ! ان کلمات کے ساتھ تعوذ (پناہ مانگو) (چنانچہ آپ نے ان کلمات کے ساتھ پناہ مانگی تو) جن و شیاطین سے آپ کی حفاظت ہوگئی۔ وہ کلمات یہ ہیں :
أعوذ بکلمات اللہ التامات من شر ما خلق التي لا يجاوزهن بر ولا فاجر من شر ما ينزل من السماء وما يعرج فيها ومن شر ما بث في الأرض وما يخرج منها ومن شر الليل والنهار ومن شر کل طارق إلا طارقا يطرق بخير يا رحمن
میں پناہ مانگتا ہوں اللہ کے تام ان کلمات کے ساتھ تمام مخلوق کے شر سے جن کلمات کو کوئی نیک تجاوز کرسکتا اور نہ بد۔ اور ہر اس شر سے جو آسمان سے اترے اور جو آسمان میں چڑھے۔ ہر اس شر سے جو زمین میں پھیلے اور جو زمین سے نکلے، رات اور دن کے شر سے اور ہر رات کو آنے والے کے شر سے سوائے اس کے جو خیر کے ساتھ آئے۔ یا رحمن۔ مصنف ابن ابی شیبہ۔
فائدہ : مکحول ثہ ہیں۔ کئی صحابہ کی زیارت سے مشرف ہوئے اور نبی کریم (صلی اللہ علیہ وآلہ وسلم) سے مرسلا (صحابی کا واسطہ چھوڑ کر) روایت کرتے ہیں۔