3981: (مسند صدیق (رض)) حضرت ابوبکر (رض) سے مروی آپ (رض) فرماتے ہیں : میں حضور اکرم (صلی اللہ علیہ وآلہ وسلم) کی خدمت میں موجود تھا۔ ایک شخص آیا اور سلام عرض کیا۔ نبی (صلی اللہ علیہ وآلہ وسلم) نے اس کے سلام کا جواب دیا، خندہ پیشانی کے ساتھ اس سے پیش آئے اور نبی کریم (صلی اللہ علیہ وآلہ وسلم) نے (اس کے جانے کے بعد 9 فرمایا : اے ابوبکر یہ تمام اہل ارض کے عمل کے مقابلہ میں عمل کرتا ہے۔ میں نے عرض کیا : وہ کیسے ؟ فرمایا یہ شخص ہر صبح کو مجھ پر ساری مخلوق کے بقدر مجھ پر دس مرتبہ درود بھیجتا ہے۔ حضرت ابوبکر (رض) فرماتے ہیں : میں نے پھر عرض کیا : وہ کیسے ؟ فرمایا : یہ درود پڑھتا ہے :
اللہم صل علی محمد النبی عدد من صلی علیہ من خلقک و صل علی محمد النبی کما ینبغی لنا ان نصلی علیہ و صل علی محمد النبی کما امرتنا ان نصلی علیہ۔
اے اللہ ! محمد پیغمبر پر اس قدر درود نازل فرما جس قدر تیری تمام مخلوق اس پر درود بھیجتی ہے۔ محمد پر ایسا درود نازل فرما جیسا کہ ہمارے لیے درود بھیجنا مناسب ہے اور محمد پیغمبر پر اس طرح درود نازل فرما جس طرح آپ نے ہم کو حکم دیاے۔ الدار قطنی فی الافراد ، التاریخ لابن النجار۔
کلام : امام دار قطنی (رح) فرماتے ہیں یہ حدیث ضعیف ہے۔ سلیمان بن الربیع الہذی اس کو کا دح بن روحہ سے روایت کرنے میں متفرد ہیں۔ امام ذہبی (رح) میزان میں فرماتے ہیں یہ سلیمان بن الربیع متروک راوی ہیں۔ جب کہ کا دح کے متعلق ارواح وغیرہ فرماتے ہیں یہ کذاب ہے۔ حافظ ابن حجر " اللسان " میں فرماتے ہیں، ابن عدی کہتے ہیں اس شخص کی عام احادیث غیر محفوظ ہیں، اس کی مسندات میں کوئی تابع ہے اور نہ متون میں۔ امام حاکم (رح) فرماتے ہیں، یہ شخص مسعر (رح) اور ثوری (رح) کی طرف منسوب کرکے موضوع احادیث روایت کرتا ہے میں نے اس حدیث کو کتاب الموضوعات میں داخل کیا ہے۔ دیکھنا چاہیے کہ اگر اس حدیث کا کوئی تابع یا شاہد (نظیر) موجود ہو تو یہ روایت موضوع ہونے کے کلام سے نکل جائے گی۔ (لیکن بہر صورت ضعیف ہے) ۔