٣٩٧٩٤۔۔۔ ابو رحاء العطاردی حضرت سمرۃ بن جندب (رض) سے روایت کرتے ہیں کہ ایک دن نبی (صلی اللہ علیہ وآلہ وسلم) مسجد میں داخل ہوئے تو آپ نے فرمایا : جس نے کوئی خواب دیکھا ہو تو بتائے ! تو کسی نے کچھ بیان نہیں کیا تو رسول اللہ (صلی اللہ علیہ وآلہ وسلم) نے فرمایا : میں نے ایک خواب دیکھا اسے مجھ سے سنو ! میں سویا تھا تو میرے پاس ایک شخص آیا کہنے لگا : اٹھو ! میں اٹھا اس نے کہا : چلو کچھ دیر چلا تو دو شخص ملے ایک سویا ہے دوسرا کھڑا ہے کھڑا شخص پتھر جمع کررہا ہے جس سے سوئے ہوئے کا سر کچل رہا ہے جس سے وہ زخمی ہوجاتا ہے جب وہ دوسرا پتھر لینے جاتا ہے تو سردرست ہوجاتا ہے میں نے کہا : سبحان اللہ ! یہ کون ہے اس نے مجھے کہا : آگے چلیے ! میں کچھ دیر چلا تو دو شخصوں ملے ایک بیٹھا ہے دوسرا کھڑا ہے اس کھڑے کے ہاتھ میں ایک لوہا ہے جسے اس کے منہ میں رکھ پورا زور لگاتا ہوا کھینچتا ہے اسے نکال کر دوسری طرف کھینچتے لگتا ہے جب یہ کھینچتا ہے تو وہ جانب ٹھیک ہوجاتی ہے میں نے کہا : سبحان اللہ ! یہ کون ہے ؟ اس نے کہا : آگے چلئے ! میں کچھ دیر چلا تو خون کی ایک نہر نظر آئی جس میں ایک شخص تیر رہا ہے کنارے ایک شخص اپنے پاس پتھر لیے بیٹھا ہے جنہیں اس نے گرم کر کے انگارے بنا رکھا ہے جب وہ اس کے قریب آتا ہے توخون والے کے منہ میں پتھر ڈال دیتا ہے یوں وہ واپس چلاجاتا ہے میں نے کہا سبحان اللہ ! یہ کون ہے ؟ اس نے کہا : آگے چلئے ! کچھ دیر چلا تو میں نے ایک باغ دیکھا جو بچوں سے بھراپڑا ہے ان کے درمیان میں ایک شخص ہے لمبائی کی وجہ سے اس کا سر آسمان سے لگتا دکھائی دیتا تھا میں نے کہا : سبحان اللہ ! یہ کون ہے ؟ اس نے کہا : آگے چلے ! میں کچھ دیر چلا تو ایک درخت دیکھا اگر مخلوق اس کے نیچے جمع کردی جائے تو اس کا سایہ ختم نہ ہو اس کے نیچے دو شخص ہیں ایک ایندھن جمع کرتا ہے دوسرا جلاتا ہے میں نے کہا : سبحان اللہ ! یہ کون ہیں ؟ اس نے کہا : اوپر چڑھو ! تھوڑی دیر میں اوپر چڑھا تو مجھے سونے چاندی کا بنا ایک شہر نظر آیا اس کے دینے والے کچھ سفید و اور کچھ کالے ہیں۔ میں نے کہا : سبحان اللہ ! یہ کون ہیں ؟ اس نے کہا : آگے چل آپ کو پتہ ہے آپ کی منزل کہاں ہے ؟ میں نے کہا : میری منزل اللہ تعالیٰ کے پاس ہے اس نے کہا : آپ نے صحیح کہا : آسمان کی طرف میں نے دیکھا تو جھاگ کی طرح ایک بادل ہے اس نے کہا : یہ آپ کی منزل ہے میں نے جو کچھ میں نے دیکھا اس کے متعلق مجھے بتاتے ہیں ؟ اس نے کہا : آپ مجھ سے جدا نہیں ہوں گے جو نظر آئے اس کے متعلق مجھ سے پوچھیں پھر مجھے اس سے زیادہ کشادہ شہر نظر آیا اس کے درمیان ایک نہر ہے جس کا پانی دودھ سے بڑھ کر سفید ہے اس میں مرد جو آستین چڑھائے دوسرے شہر کی طرف بھاگ رہے ہیں انھیں اس نہر میں جمع کررہے ہیں پھر وہ صاف ستھرے ہو کر نکلتے ہیں میں نے کہا : مجھے اسے دوسرے شہر کے متعلق بتاؤ ! اس نے کہا : یہ دنیا ہے اس میں ایسے لوگ ہیں جنہوں نے اچھے برے عمل ملا کر کیے ہیں انھوں نے توبہ کی اللہ تعالیٰ نے ان کی توبہ قبول کی ، میں نے کہا : وہ دو شخص جو درخت تلے آگ جلا رہے تھے کون تھے ؟ اس نے کہا : وہ دونوں جہنم کے فرشتے تھے جو جہنم کو قیامت کے روز اللہ تعالیٰ کے دشمنوں کے لیے بھڑکائے گے۔ میں نے کہا : وہ باغ ؟ اس نے کہا : وہ بچے تھے ابراہیم (علیہ السلام) ان کے ذمہ دار ہیں قیامت تک ان کی پرورش کریں گے میں نے کہا : جو خون میں تیر رہا تھا ؟ کہا وہ سود خور تھا قیامت تک قبر میں اس کی یہی خوراک ہوگی میں نے کہا : جس کا سر پھاڑا جاتا تھا ؟ اس نے کہا : یہ وہ شخص تھا جس نے قرآن سیکھا اور سوگیا اور اسے بھول بیٹھا اس میں سے کچھ بھی نہیں پڑھتا جب بھی وہ سوئے گا قیامت تک اس کا سر قبر میں چرتے رہیں گے اسے سونے نہیں دیں گے میں نے اس کے متعلق پوچھا جس کے جبڑے چیرے جاتے تھے اس نے کہا : وہ جھوٹا شخص تھا۔ (دارقطنی فی الافراد ابن عساکر)