٣٩٨٠١۔۔۔ حضرت علی (رض) سے روایت ہے کہ رسول اللہ (صلی اللہ علیہ وآلہ وسلم) نے ایک روز ہمیں فجر کی نماز اندھیرے میں پڑھائی جب کہ کبھی اندھیرے میں اور کبھی روشنی میں پڑھاتے تھے اور فرماتے ان دونوں کے درمیان (نماز کا ) وقت ہے تاکہ ایمان والوں میں اختلاف نہ ہو چنانچہ اندھیرے میں ہم نے نماز پڑھی ، نماز پڑھا کر ہماری متوجہ ہوئے آپ کا چہرہ بس قرآن کا ورق تھا فرمایا : کیا کسی نے کوئی خواب دیکھا ہے ہم نے عرض کیا : نہیں یا رسول اللہ ! فرمایا : لیکن میں نے تو دیکھا ہے میں نے دیکھا کہ میرے پاس دو فرشتے آئے مجھے کندھوں سے پکڑ کر آسمانی دنیا میں لے گئے میں ایک فرشتے کے پاس سے گزرا جس کے سامنے ایک آدمی ہے فرشتے کے ہاتھ میں چٹان ہے وہ آدمی کے سر پر مارتا ہے تو اس کا دماغ ایک طرف اور چٹان ایک طرف جاگرتی ہے میں نے کہا : یہ کون ہے ؟ انھوں نے کہا : چلوچلو ! چلتے چلتے مجھے ایک فرشتہ ملا جس کے سامنے ایک آدمی ہے فرشتے کے ہاتھ میں لوہے کا آنکڑا ہے وہ اس کے دائیں جبڑے میں رکھ کر اسے کان تک چیرتا ہے پھر باتیں میں اتنے میں دائیں جانب جڑ جاتی ہے میں نے کہا : یہ کون ہے ؟ انھوں نے مجھ سے کہا : چلو چلو چلتے چلتے خون کی ایک نہر ملی جو ہانڈی کی طرح ابل رہی تھی اس کے دہانے ننگے لوگ ہیں نہر کے کنارے فرشتے ہیں جن کے ہاتھوں میں ڈھیلے ہیں جب بھی کوئی سراٹھاتا اسے مارتے جو اس کے منہ میں لگتا تو وہ نہر کی تہ تک پہنچ جاتا میں نے کہا : یہ کون ہیں انھوں نے کہا : چلوچلو ! چلتے چلتے ایک گھر نظر آیا جس کا پندا دہانے سے تنگ اس میں ننگی قوم تھی جن کے نیچے آگ بھڑکائی گئی میں نے ان کی بدبو کی وجہ سے اپنی ناک بند کرلی میں نے کہا : یہ کون ہیں انھوں نے کہا : چلوچلو ! ایک سیاہ ٹیلہ نظر آیا جن پر ایک مجنون قوم ہے آگ ان کی سرنیوں سے داخل ہوتی اور ان کے مونہوں نتھنوں اور کان آنکھوں سے نکلتی ہے میں نے کہا : یہ کون ہیں انھوں نے مجھ سے کہا : چلو چلو ! بند آگ نظر آئی جس پر ایک فرشتہ مقرر ہے جو چیز اس سے نکلتی ہے اسے واپس اسی میں لے آتا ہے میں نے کہا : یہ کون ہے ؟ انھوں نے کہا : چلو چلو ! پھر مجھے ایک باغ نظر آیا جس میں خوبصورت بزرگ بیٹھا ہے اس سے بڑھ کر خوبصورت میں ہوگا اس کے اردگرد بچے ہیں اور ایک درخت ہے جس کے پتے ہاتھی کے کانوں جیسے ہیں توجتنا اللہ نے چاہا میں اس درخت پر چڑھا تو وہاں میں نے خوار اور زمرد سبز زبرجد اور سرخ یاقوت کی منازل دیکھیں ان سے بڑھ اچھی نہیں ہوں اس میں کئی جام اور آبخورے تھے میں نے کہا : یہ کیا ہے انھوں نے کہا : اترو میں اترا اور اس کا ایک برتن اٹھایا اسے بھرا اور پی لیا تو وہ شہد سے شیریں دودھ سے زیادہ سفید اور مکھن سے بڑھ کر نرم تھا۔
انھوں نے مجھ سے کہا : چٹان والا جو آپ نے دیکھا جو آدمی کی کھوپڑی پر مار رہا تھا جس سے اس کا دماغ ایک جانب اور چٹان ایک جانب گرجاتی تھی وہ ایسے لوگ ہوں گے جو عشاء کی نماز پڑھے بغیر سوجاتے اور نمازوں کو ان کے اوقات میں نہیں پڑھتے تھے جہنم تک انھیں ایسے ہی مارا جائے گا اور آنکڑے والا جس پر آپ نے ایک فرشتہ مقرر دیکھا جس کے ہاتھ میں لوہے کا آنکڑا تھا جس سے وہ اس کا دایاں جبڑا کان تک چررہا تھا پھر بایاں چیرتا اور اتنے میں دایاں جڑجاتا تھا یہ وہ لوگ تھے جو مسلمان کی چغلی کھایا کرتے تھے اور ان میں فساد ڈالتے تھے وہ لوگ جہنم جانے تک اسی طرح عذاب میں مبتلا رہیں گے اور وہ فرشتے جن کے ہاتھوں میں آپ نے آگ کے دو ڈھیلے دیکھے جب بھی کوئی سر اٹھاتا وہ اسے مارتے ایک ڈھیلے سے وہ نہر کی تہہ میں اتر جاتے یہ سود خور لوگ تھے انھیں جہنم تک یہ عذاب دیا جائے گا۔ اور جو گھر آپ نے نیچے سے زیادہ تنگ دیکھا اس میں ننگی قوم تھی جس کے نیچے آگ بھڑکائی جاتی تھی آپ نے ان کی بدبو کی وجہ سے اپنی ناک بند کرلی تھی وہ زانی لوگ تھے اور وہ بدبو ان کی شرمگاہوں کی تھی جہنم جانے تک انھیں عذاب ہوتا رہے گا : رہا وہ سیاہ ٹیلہ جس پر آپ نے مجنون قوم دیکھی جن کی سرینوں میں آگ داخل ہو کر ان کی مونہوں نتھنوں اور ان کے کان آنکھوں سے نکل رہی تھی وہ لوگ قوم لوط کا عمل کرتے تھے فاعل ومفعول وہ جہنم جانے تک اس عذاب میں مبتلا رہیں گے۔
اور جو بند آگ آپ نے دیکھا جس پر ایک فرشتہ مقر تھا جب بھی کوئی نکلتا وہ اسے اس میں واپس لے آتا وہ جہنم تھا جنتی اور جہنمی لوگوں میں فرق کرتا ہے اور جو باغ آپ نے دیکھا وہ جنت الماوی تھی اور وہ بزرگ جو آپ نے دیکھے جن کے اردگرد بچے تھے وہ ابراہیم (علیہ السلام) تھے اور وہ ان کے بیٹے تھے اور جو درخت آپ نے دیکھا اور وہاں آپ نے اچھی منازل دیکھیں جو خولدار زمرد سبززبرجد اور سرخ یاقوت کی تھیں وہ عیسین والوں میں سے انبیاء صدیقین شہداء اور صالحین کی منازل تھیں ان کا ساتھ اچھا ہے اور جو نہر آپ نے دیکھی وہ آپ کی نہر ہے جو اللہ تعالیٰ نے آپ کو کوثر عطا کی ہے اور یہ آپ کی اور آپ کے اہل بیت کی منازل ہیں فرماتے ہیں : مجھے اوپر سے آواز دی گئی : محمد ! محمد ! مانگو دیا جائے گا تو میرا جسم کانپنے لگا اور دل دھڑکنے لگا اور میرا ہر عضو لرزہ براندام تھا میں کچھ جواب نہ دے سکا تو ان دو فرشتوں میں سے ایک نے اپنے دائیں ہاتھ میں تھام لیا اور دوسرے نے اپنے دائیں ہاتھ کو میرے سینے کے درمیان رکھ دیا تو مجھے سکون ہوا۔
پھر مجھے بلایا گیا : محمد ! مانگو تمہیں دیا جائے گا میں نے عرض کیا : میرے اللہ ! میرا سوال یہ ہے کہ میری شفاعت کو برقرار رکھیں اور میرے اہل بیت مجھ سے مل جائیں اور میری جب تجھ سے ملاقات ہو تو میری کوئی لغزش نہ رہے پھر مجھے قریب کیا گیا اور مجھ پر یہ آیت نازل ہوئی ” ہم نے آپ کو فتح بین عطا کی تاکہ اللہ تعالیٰ آپ کی اگلی پچھلی لغزشیں معاف کردے گا۔ پھر رسول اللہ (صلی اللہ علیہ وآلہ وسلم) نے فرمایا : جیسے مجھے یہ دی گئی ایسے اللہ تعالیٰ مجھے وہ بھی ان شاء اللہ عطا کرے گا۔ (رواہ ابن عساکر)