٣٩٨٠٣۔۔۔ (مسند انس) ابان حضرت انس سے روایت کرتے ہیں کہ رسول اللہ (صلی اللہ علیہ وآلہ وسلم) نے فرمایا : قیامت کے روز نہ چلنے والوں (اڑیل) اور جان جوکھوں والوں کو لایا جائے گا کسی نے عرض کیا : یارسول اللہ ! وہ کون ہیں ؟ آپ نے فرمایا : مشقت کرنے والے تو وہ لوگ ہیں جنہوں نے اپنا خالص خون خرچ کیا اسے بہایا گیا اس ہال میں کہ انھوں نے تلواریں سوشی ہوئی ہوں گی انھیں اللہ سے امید ہوگی کہ ان کی کوئی ضرورت رد نہیں کی جائے گی رہے نہ چلنے والے تو وہ مومنین کے بچے ہوں گے جن کے لیے میدان محشر میں ٹھہرنا مشکل ہوجائے گا وہ چیخیں چلائیں گے اللہ تعالیٰ جبرائیل سے فرمائیں گے باوجودیکہ اللہ کو علم ہوگا۔ یہ کیسی آواز ہے وہ عرض کریں گے : مومنین کے بچوں کے لیے میدان محشر میں ٹھہرنا دشوار ہے (اس لیے چیخ رہے ہیں) اللہ تعالیٰ فرمائیں گے انھیں میرے سائے عرش کے تلے لے آؤ پھر اللہ تعالیٰ فرمائیں گے جبرائیل انھیں جنت میں لے جاؤ وہ اس میں عیش و آرام سے رہیں گے پھر جبرائیل انھیں (ادھر ادھر) لے جائیں گے تو وہ ایسے چیخیں گے جیسے بچے اپنی ماؤں سے جدائی کے وقت چیختے ہیں اللہ تعالیٰ باوجود جاننے کے فرمائیں گے : جبرائیل (یہ کیسی آواز ہے) اب ان کا کیا حال ہے جبرائیل عرض کریں گے : میرے رب ! وہ اپنے ماں باپ سے ملنا چاہتے ہیں اللہ تعالیٰ فرمائیں گے : ماں باپ کو بچوں کے ساتھ داخل کردو۔ (الدیلمی)