3997: (ابی (رض) بن کعب) حضرت ابی (رض) فرماتے ہیں : جب رات کا دو تہائی حصہ بیت جاتا تو حضور اقدس (صلی اللہ علیہ وآلہ وسلم) کھڑے ہوتے اور فرماتے اے لوگو ! اللہ کا ذکر کرو، بلا ڈالنے والی شئی آگئی اور اس کے پیچھے والی بھی آگئی، موت اپنے ساز و سامان لے آئی ہے۔ میں نے عرض کیا : یا رسول اللہ ! میں آپ پر کثرت کے ساتھ درود بھیجا کرتا ہوں۔ آپ (صلی اللہ علیہ وآلہ وسلم) نے فرمایا : جس قدر تم چاہو ! میں نے عرض کیا : ایک چوتھائی حصہ ؟ آپ (صلی اللہ علیہ وآلہ وسلم) نے فرمایا جو تم چاہو، اگر اور زیادہ کرلو تو بہتر ہے۔ میں نے عرض کیا : نصف حصہ ؟ فرمایا جو تم چاہو، اگر اور زیادہ کرو تو بہتر ہے۔ میں نے عرض کیا : وہ تہائی حصہ :؟ فرمایا جو تم چاہو، اگر اور زیادہ کرلو تو بہتر ہے، میں نے عرض کیا، تب تو میں اپنا سارا وقت آپ پر درود بھیجنے میں کردوں گا۔ آپ (صلی اللہ علیہ وآلہ وسلم) نے فرمایا : پھر یہ چیز تمہارے غموں کو کفایت کرے گی، اور تمہارے گناہ معاف کردیے جائیں گے۔ (مسند احمد، عبد بن حمید، ابن منیع حسن، الرویانی، مستدرک الحاکم، شعب الایمان للبیہقی، السنن لسعید بن منصور)