3998: (مسند انس (رض)) ابن عساکر (رح) فرماتے ہیں ، ابو المعالی فضل بن سہل، والدہ الشیخ ابو الفرج سہل ابن بشر بن احمد الاسفرائنی، ابو نصر محمد بن یحییٰ بن حازم الہمذانی ابو الحفص البحیری، سمرند، عبد بن حمید الکشی، یزید بن ہارون الوسطی، حمید الطویل، انس بن مالک کی مسلسل بالید سند کے ساتھ روایت پہنچی ہے حضور (صلی اللہ علیہ وآلہ وسلم) فرماتے ہیں : میرے ہاتھ میں جبرائیل (علیہ السلام) نے شمار کروا کے فرمایا، اس طرح مجھے میکائیل (علیہ السلام) نے شمار کرایا اور وہ فرماتے ہیں اسی طرح مجھے اسرافیل (علیہ السلام) نے شمار کرایا اور وہ فرماتے ہیں : مجھے پروردگار رب العالمین نے ارشاد فرمایا : تو میں نے ہاتھ پر ان کلمات کو شمار کیا، فرمایا : یوں کہو :
اللهم صل علی محمد وعلی آل محمد کما صليت علی إبراهيم وعلی آل إبراهيم إنک حميد مجيد اللهم ارحم محمدا وآل محمد کما رحمت علی إبراهيم وآل إبراهيم إنک حميد مجيد اللهم وتحنن علی محمد وعلی آل محمد کما تحننت علی إبراهيم وعلی آل إبراهيم إنک حميد مجيد ۔ (رواہ ابن عساکر)