٤٠١۔۔ اے خدا کے گھر ، کعبۃ اللہ توکتناعمدہ ہے اور تیری خوشبو بھی کتنی عمدہ ہے ، توکتنی عظیم الشان والا ہے ، اور تیری عزت کتنی بلند ہے ؟ لیکن قسم ہے اس ذات کی جس کے قبضۃ قدرت میں محمد کی جان ہے ایک مومن کی عزت و حرمت پروردگار کے ہاں تیری عظمت و حرمت سے بڑھ کر ہے۔ اس کا مال اور خون بہت محترم ہے۔ ابن ماجہ، بروایت ابن عمر (رض) ، اس روایت میں نصر بن محمد ایک راوی ہیں جس کو امام ابوحاتم نے ضعیف قرار دیا ہے۔ لیکن ابن حبان نے اس کی توثیق فرمائی ہے۔ بقیہ دیگررواۃ ثقہ ہیں۔ مصباح الزجاجہ ٤ ص ١٦٤۔