4020: (مسند عثمان (رض) حضور اکرم (صلی اللہ علیہ وآلہ وسلم) نے یمن کی طرف ایک وفد روانہ فرمایا اور ان پر امیر انہی میں سے ایک شخص کو جو سب سے کم سن تھا مقرر فرمایا : لیکن قافلہ رکا اور سفر پر روانہ نہ ہوسکا۔ انہی میں سے ایک شخص نبی کریم (صلی اللہ علیہ وآلہ وسلم) سے ملا۔ آپ (صلی اللہ علیہ وآلہ وسلم) نے اس سے پوچھا : اے فلانے ! تو گیا کیوں نہیں اب تک ؟ اس شخص نے عرض کیا : یا رسول اللہ ہمارے امیر کی ٹانگ میں تکلیف ہے۔ چنانچہ نبی (صلی اللہ علیہ وآلہ وسلم) اس امیر کے پاس تشریف لائے اور باسم اللہ وباللہ وبعزۃ اللہ وقدرتہ من شر ما فیہا سات دفعہ پڑھ کر اس پر دم کیا۔ چنانچہ وہ شخص بالکل تندرست ہوگیا۔ ایک شخص نے عرض کیا : یا رسول اللہ ! آپ اس شخص کو ہم پر امیر بناتے ہیں جو ہم میں سب سے کم سن (کم عمر) ہے۔ نبی (صلی اللہ علیہ وآلہ وسلم) نے اس کا قرآن یاد رکھنا ذکر کیا۔ تو ایک بوڑھے نے عرض کیا : یا رسول اللہ ! اگر مجھے یہ خوف نہ ہوتا کہ میں قرآن پڑھ کر غفلت کا شکار رہوں گا اور اس کو رات کو اٹھ کر پڑھ نہیں سکون گا تو میں ضرور قرآن یاد کرتا۔ رسول اللہ (صلی اللہ علیہ وآلہ وسلم) نے فرمایا : ایسا نہ کر بلکہ قرآن سیکھ۔ قرآن کی مثال تھیلی کی ہے جس کو تو نے مشک سے بھر رکھا ہو اور اس کا منہ باندھ دیا ہو۔ پس اگر تم اس کو کھولے گے تو تم کو مشک کی خوشبو ملے گی اور اگر نہ کھولوگے تب بھی مشک رکھی تو رہے گی۔ پس یہی مثال قرآن کی ہے پڑھے یا تیرے سینے میں رہے۔ الدار قطنی فی الافراد الاوسط للطبرانی، البغوی فی مسند عثمان۔
کلام : مولف (رح) فرماتے ہیں مجھے نہیں معلوم کہ یحییٰ بن سلمہ بن کہیل سے اس روایت کو ارطاۃ بن حبیب کے علاوہ کسی اور نے بھی روایت کیا ہو۔ نیز محدثین کا خیال خیال ہے کہ یہ حدیث میں انہی کے ساتھ تھے۔ الغرض یہ حدیث ضعیف ہے۔