4026: فرزدق (مشہور شاعر) کہتے ہیں : میں حضرت علی بن ابی طالب (رض) کی خدمت میں حاضر ہوا۔ حضرت علی (رض) نے ان سے پوچھا؛ تم کون ہو ؟ انھوں نے عرض کیا : میں غالب بن صعصعہ ہوں۔ (فرزدق کا نام ہے) حضرت علی (رض) نے پوچھا۔ بہت سے اونٹوں کے مالک ! عرض کیا : جی ہاں۔ فرمایا : اپنے اونٹوں کا کیا کیا ؟ عرض کیا : حقوق اور حوادثات وغیرہ ان کو کھا گئے۔ حضرت علی (رض) نے فرمایا : خیر کے راستے میں چلے گئے۔ پھر پوچھا : یہ تمہارے ساتھ کون ہے ؟ عرض کیا : میرا بیٹا اور یہ (بھی) شاعر ہے۔ اگر آپ چاہیں تو آپ کو کچھ بتائیں ! حضرت علی (رض) نے فرمایا : اس کو قرآن سکھاؤ، یہ اس کے لیے شعر سے بہتر ہے۔ (ابن الانباری فی المصاحف ، الدینوری)