٤٠٣۔۔ تمام مسلمانوں کا خون مساوی ہے ان میں سے کسی ادنی مسلمان کو بھی اٹھائی ہوئی ذمہ داری تمام مسلمانوں پر عائد ہوتی ہے۔ انکادور والامسلمان بھی تمام مسلمانوں پر حق رکھتا ہے اور وہ غیرمسلموں کے خلاف ہم پلہ ہیں انکاطاقت ور اپنے کمزور کو سہارادیتا ہے اور ان کا شہ سوار جنگ میں شریک نہ ہونے والے اپنے مسلمان بھائی کو مال غنیمت میں ساتھ رکھتا ہے پس کسی مومن کو کسی کافر کے عوض قتل نہ کیا جائے اور نہ کسی صاحب عہد ذمی شخص کو عہد کے ہوتے ہوئے قتل کیا جائے۔ ابوداؤد، ابن ماجہ، بروایت ابن عمر (رض)۔ ان کا دور والامسلمان بھی تمام مسلمانوں پر حق رکھتا ہے ، اور دوروالا مسلمان بھی حق رکھتا ہے ، اس جملہ کے دومطلب ہیں ایک تو یہ اگر کسی مسلمان نے جو دارالحرب سے دور رہا ہے کسی کافر کو امان دے رکھی ہے تو ان مسلمانوں کے لیے جو دارالحرب کے قریب ہیں یہ جائز نہیں ہے کہ اس مسلمان کے عہد امان کو توڑ دیں اور اس کافر کو کوئی گزند پہنچائیں۔
دوسرے معنی یہ ہیں کہ جب مسلمانوں کا لشکر دارالحرب میں داخل ہوجائے اور مسلمانوں کا امیر لشکر کے ایک دستے کو کسی دوسری سمت بھیج دے اور پھر وہ دستہ مال غنیمت لے کر واپس آئے تو وہ مال غنیمت صرف اسی دستے کا حق نہیں ہوگا بلکہ وہ سارا لشکر کو تقسیم کیا جائے گا۔ یعنی دوروالابھی اسمیں شامل ہے۔