٤٠٤٦٨۔۔۔ جس رات مجھے معراج کرائی گئی اس رات میں نے ایک سوندھی خوشبومحسوس کی، میں نے کہا : جبرائیل یہ اتنی اچھی خوشبو کیا ہے ؟ تو انھوں نے کہا : یہ فرعون کی بیٹی کی ماما اور اس کے بچوں کی خوشبو ہے میں نے کہا : ان کا کیا قصہ ہے ؟ تو انھوں نے کہا : ایک دفعہ وہ عورت فرعون کی بیٹی کو کنگھی کررہی تھی کہ اس کے ہاتھ سے کنکھی نیچے گرگئی تو اس عورت نے کہا : بسم اللہ، تو فرعون کی بیٹی نے کہا : میرا باپ مراد ہے ؟ وہ عورت بولی نہیں بلکہ میرا تمہارا اور باپ کا رب اللہ مراد ہے وہ کہنے لگی : کیا میرے باپ کے علاوہ بھی تیرا کوئی رب ہے ؟ اس نے کہا : ہاں، وہ بولی تب میں اسے اس کے بارے میں بتادوں ؟ اس عورت نے کہا : ہاں بتادو اس نے فرعون کو بتادیا فرعون نے کہا : اری فلانی ! کیا میرے علاوہ بھی تمہارا کوئی رب ہے ؟ اس نے کہا : ہاں میرا اور تمہارا رب وہ ہے جو آسمان میں ہے تو فرعون نے تانبے کی ایک گائے کا حکم دیا جسے تپایا گیا پھر اس کے بچوں کو پکڑا اور ایک ایک کرکے اس میں ڈالنے لگے تو وہ عورت بولی : مجھے تم سے ایک کام ہے فرعون نے کہا : کیا ہے ، اس نے کہا : میں چاہتی ہوں کہ آپ میری اور میرے بچوں کی ہڈیاں یکجاکریں اور پھرا نہیں ایک کپڑے میں ڈال کردفن کردیں فرعون نے کہا : ہم تمہاری بات مان لیتے ہیں کیونکہ تمہارا ہم پر حق ہے تو اس کے بیٹے گائے میں ڈالتے رہے آخر اس کا وہ بچہ رہ گیا جو دودھ پیتا تو عورت اس کی وجہ سے پیچھے ہٹی تو اس بچے نے کہا : اے ماں ! کو دپڑو کیونکہ دنیا کا عذاب آخرت کے عذاب سے ہلکا ہے پھر وہ اپنے بچہ سمیت ڈال دی گئی۔ (یوں) چار چھوٹے بچوں نے گفتگو کی،(ایک) یہ بچہ یوسف (علیہ السلام) کی گواہی دینے والا جریج والا اور عیسیٰ ابن مریم علیھما السلام۔ مسنداحمد، نسائی، حاکم، بیہقی فی شعب الایمان، عن ابن عباس