٤٠٤٧٢۔۔۔ (مسندابی) معراج کی رات میں نے ایک اچھی خوشبومحسوس کی، میں نے جبرائیل سے کہا : یہ اچھی خوشبو کیسی ہے ؟ انھوں نے کہا : کنگھی کرانے والی اس کے دونوں بیٹوں اور اس کے خاوند کی خوشبو ہے جس کا آغاز اس طرح ہوا کہ خضربنی اسرائیل کے مالدار لوگوں سے تعلق رکھتے تھے ان کا کزر ایک راہب پر اس کے عبادت خانہ کے پاس سے ہوتا تھا راہب انھیں دیکھتا اور اسلام کی تعلیم دیتا جب خضر بانغ ہوئے تو ان کے والد نے ایک عورت سے ان کی شادی کرادی خضرنے اسے اسلام کی تعلیم دی اور اس سے یہ عہدلیا کہ وہ کسی کو اس کی اطلاع نہ دے، وہ عورتوں کے قریب زیادہ نہ ہوتے تھے اس لیے اسے طلاق دے دی۔ پھر ان کے والد نے دوسری عورت سے ان کی شادی کرادی اسے بھی اسلام کی تعلیم دی اور اس سے عہد لیا کہ وہ کسی کو اس کی اطلاع نہ دے پھرا سے بھی طلاق دے دی تو ان میں سے ایک نے ان کا اسلام چھپایا اور دوسری نے ظاہر کردیاتو وہ بھاگ نکلے اور سمندر کے ایک جزیرہ میں پہنچ گئے وہاں دو آدمی لڑنے لگے ان دونوں نے خضرکودیکھا تو ایک نے چھپایا اور دوسرے نے ظاہر کردیا کہنے لگا : میں نے خضر کو دیکھا ہے کسی نے کہا : تمہارے ساتھ کسی اور نے دیکھا ہے ؟ اس نے کہا : فلاں نے اس سے پوچھا گیا تو اس نے چھپایا، اور ان کے دین میں تھا کہ جو جھوٹ بولے اسے قتل کردیا جائے پھر ان کا اسلام چھیا نے والی عورت کی شادی ہوگئی ایک دفعہ وہ فرعون کی بیٹی کنگھی کررہی تھی کہ اس کے ہاتھ کنگھی کرگئی تو اس نے کہا : فرعون کا ناس ہو تو بیٹی نے اپنے باپ کو بتادیا اس عورت کے دو بیٹے اور خاوند تھا فرعون نے انھیں بلا بھیجا عورت اور اس کے خاوند کو ورغلایا کہ وہ اپنے دین سے پھرجائیں مگر انھوں نے انکار کیا فرعونے کہا میں تمہیں قتل کرنے والا ہوں انھوں نے کہا : تمہاری طرف سے ہم پر احسان ہوگا کہ ہمیں قتل کرنے کے بعد ایک کمرہ میں ڈال دینا اس نے ایسا ہی کیا۔ ابن مردویہ عن ابی ذروسندہ حسن