٤٠٤٧٤۔۔۔ حضرت عائشۃ (رض) کی نبی (صلی اللہ علیہ وآلہ وسلم) سے روایت ہے فرمایا : تین شخص (سفرپر) نکلے، ان پر (سخت) بارش ہوئی تو وہ ایک غار میں داخل ہوگئے تو ان پرچٹان نے دروازہ بند کردیا تو وہاں ایک دوسرے سے کہنے لگے : یہ تمہارے اعمال کا نتیجہ ہے ہر شخص صرف اپنے اچھے عمل کے ذریعہ اللہ تعالیٰ سے دعا کرے تو ان میں سے ایک شخص اٹھا اور کہا : اے اللہ ! میرے بوڑھے والدین تھے میں انھیں دودھ کا حصہ دینے سے پہلے دودھ نہ پیتا ایک رات میں ان کا حصہ لے کر ان کے سرہانے آیا تو وہ سوگئے تھے میں نے نہ چاہا کہ انھیں ان کی نیند سے بیدار کروں اور یہ بھی نہ چاہا کہ انھیں دودھ پلائے بغیر واپس پلٹ جاؤں میں ان کے سرہانے کھڑاہی رہایہاں تک کہ صبح ہوگئی ، اے اللہ ! آپ جانتے ہیں میں نے اگر یہ کام آپ کے لیے کیا تو یہ چٹان ہٹادیں تو چٹان تھوڑی سی سر کی کہ انھیں روشنی نظر آنے لگی، پھر دوسرا اٹھا اور کہا : اے اللہ ! آپ جانتے ہیں کہ میری ایک چچازاد تھی جس سے میں بےحدمحب کرتا تھا میں نے اس کی خواہش کی تو اس نے کہا : سو دینار دوتب تو میں نے اس کے لیے سو دینار جمع کئے جب اس نے مجھے اپنے آپ پر قدرت دے دی تو کہنے لگی : تمہارے لیے ناحق مہرتوزنا جائز نہیں تو میں اٹھ کھڑا ہوا اور اسے چھوڑ دیا اے اللہ ! آپ کو علم ہے اگر میں نے یہ کام آپ کے لیے کیا ہے تو ہم سے یہ مصیبت دور کردیں توچٹان تھوڑی ہئی جس سے لگتا تھا وہ نکل جائیں۔ پھر تیسراکھڑا ہوا اور کہا : اے اللہ ! آپ جانتے ہیں کہ میرے کئی مزدور تھے جن میں کسی کی مزدوری میرے پاس ایک رات بھی نہ رہتی تھی، اور ایک مزدور اپنی مزدوری میرے پاس چھوڑ گیا میں نے اس سے کاشت کی جس سے پیداوار ہوئی ، میں نے اس کے ذریعہ غلام اور بہت سا مال خریدا پھر کچھ عرصہ بعد وہ میرے پاس آکرکہنے لگا : اللہ کے بندے ! مجھے میرے مزدوری دو ، میں نے کہا : یہ ساری تمہاری مزدوری ہے وہ کہنے لگا : اللہ کے بندہ ! مجھ سے مزاح نہ کر میں نے کہا : میں تم سے مزاح کر رہاتو اس نے سب کچھ لیا اور میرے لیے تھوڑایازیادہ کچھ بھی نہیں چھوڑا، اے اللہ ! آپ جانتے ہیں میں نے اگر یہ کام اگر یہ کام آپ کے لیے کیا تو ہم سے یہ مصیبت دور کردیں توچٹان ہٹ گئی اور وہ باہرنکل آئے۔ الحسن بن سفیان