4077: (سورة الفتح) (مسند عمر (رض)) حضرت عمر (رض) فرماتے ہیں : ہم ایک سفر میں رسول اکرم (صلی اللہ علیہ وآلہ وسلم) کے ساتھ تھے۔ میں نے ایک شے کے بارے میں آپ سے تین بار سولا کیا۔ مگر آپ نے کچھ جواب نہیں دیا میں نے اپنے دل میں اپنے آپ کو ملامت کی : تیری ماں گم ہو خطاب کے بیٹے ! تو نے رسول اللہ (صلی اللہ علیہ وآلہ وسلم) کو سوال کرکے تنگ کردیا۔
چنانچہ پھر میں نے اپنی سواری آگے بڑھائی کہ کہیں میرے خلا کوئی وحی نازل نہ ہوجائے۔ اچانک ایک آواز اٹھی : اے عمر ! میں پلٹا اور ڈرا کہ کہیں میرے بارے میں کچھ نازل تو نہیں ہوگیا۔ لیکن حضور (صلی اللہ علیہ وآلہ وسلم) نے فرمایا : گزشتہ رات مجھ پر ایک سورت نازل ہوئی ہے جو مجھے دنیا اور دنیا کی سب چیزوں سے محبوب ہے۔ وہ سورت ہے : انا فتحنا لک فتح امبینا لیغفرلک اللہ ما تقدم من ذنبک وما تاخر۔ (سورة الفتح، مسند احمد، بخاری، ترمذی، نسائی، مسند ابی یعلی، صحیح ابن حبان، ابن مردویہ، الدلائل للبیہقی (