4078: حضرت انس (رض) فرماتے ہیں حدیبیہ سے واپسی کے موقع پر سورة الفتح نازل ہوئی۔ آپ (صلی اللہ علیہ وآلہ وسلم) نے فرمایا : مجھ پر ایک ایسی آیت نازل ہوئی ہے جو مجھے دنیا سے زیادہ محبوب ہے : انا فتحنا لک فتحا مبینا (اس سورت میں آپ کو فتح مکہ اور اگلے پچھلے گناہوں کی معافی کا وعدہ دیا گیا ہے) صحابہ (رض) نے عرض کیا : یا رسول اللہ ! اللہ نے واضح کردیا ہے جو آپ کے ساتھ کرم ہونے والا ہے۔ ہمارے لیے کیا ہوگا ؟ تو یہ فرمان نازل ہوا : لیدخل المومنین والمومنات جنات۔ تاکہ وہ مومن اور مومنات کو جنت میں داخل کرے۔ (الجامع لعبد الرزاق، المصنف لابن ابی شیبہ، مسند احمد، عبد بن حمید، مسلم، ترمذی، ابن جریر، ابن مردویہ، المعرفۃ لابی نعیم)