4089: حضرت عقبہ بن عامر (رض) سے مروی ہے وہ فرماتے ہیں : میں نے نبی کریم (صلی اللہ علیہ وآلہ وسلم) سے ملاقات کی تو آپ نے فرمایا : اے عقبہ بن عامر ! قطع رحمی کرنے والے سے صلہ رحمی کرو، جو تجھے محروم کرے تو اسے عطا کرو۔ ظلم کرنے والے کو معاف کر۔
فرماتے ہیں : میں پھر آپ سے ملا تو آپ نے فرمایا : اے عقبہ بن عامر ! میں تجھے ایسی سورتیں نہ سکھا دوں جن کے مثل اللہ پاک نے کوئی سورت نہ توراۃ میں نازل کی اور نہ انجیل میں، نہ زبور میں اور نہ قرآن میں۔ پس ان پر کوئی رات ایسی نہ گذرنی چاہیے جس میں تو ان کو نہ پڑھے۔ حضرت عقبہ (رض) فرماتے ہیں جب سے رسول اللہ نے مجھے ان سورتوں کو پڑھنے کا حکم دیا ہے تب سے کوئی رات مجھ پر ایسی نہیں گذری جس پر میں نے ان کو نہ پڑھا ہو۔
اور مجھ پر لازم ہے کہ میں ان کو کبھی نہ چھوڑون کیونکہ آپ (رض) نے مجھے ان کا حکم دیا ہے۔ رواہ ابن عساکر ۔