4126: علقمہ (رح) سے مروی ہے کہ ہم حضرت سلمان فارسی (رض) کی خدمت میں حاضر ہوئے۔ آپ (رض) اپنی کٹیا سے نکل کر ہمارے پاس تشریف لائے۔ ہم نے عرض کیا ! یا ابا عبداللہ ! اگر آپ وضو کرتے اور فلاں فلاں سورت پڑھ کر سنا دیتے ! حضرت سلمان فارسی (رض) نے فرمایا : اللہ تعالیٰ کا فرمان ہے۔ فی کتاب مکنون لا یمسہ الا المطہرون (یہ قرآن) کتاب محفوظ میں ہے اور اس کو صرف ملائکہ چھوتے ہیں۔ چنانچہ پھر آپ (رض) نے قرآن پڑھا جس کا ہم نے تقاضا کیا تھا۔ مصنف عبدالرزاق۔