٤١٨٣٦۔۔۔ ابوامامہ سے روایت ہے فرمایا : ایک دفعہ حضرت عمر (رض) اپنے ساتھیوں میں تھے اتنے میں کھردرے کپڑے کی ایک قمیض ادئی گئی تو آپ نے اسے پہنا ابھی وہ آپ کی ہنسلی تک نہیں پہنچی تو آپ نے فرمایا : الحمد للہ الذی کسانی مااواری بہ عورتی واتجمل بہ فی حیاتی۔ پھر لوگوں کی طرف متوجہ ہو کر فرمایا : تم لوگ جانتے ہو کہ میں نے یہ الفاظ کیوں کہے ہیں ؟ لوگوں نے کہا؛ نہین، آپ خودہی بتادیں فرمایا : ایک دن میں رسول اللہ (صلی اللہ علیہ وآلہ وسلم) کے پاس تھا آپ کے پاس آپ کے نئے کپڑے لائے گئے تو آپ نے انھیں زیب تن فرمایا اور فرمایا، الحمدللہ الذی کسانی ما اواری بہ عورتی واتجمل بہ فی حیاتی، پھر فرمایا : اس ذات کی قسم ! جس نے مجھے حق دے کر بھیجا جو مسلمان بندہ ایسا ہو کہ جسے اللہ تعالیٰ نے نئے کپڑے عطا کئے پھر وہ اپنے پرانے کپڑوں کا قصد کرے اور وہ کسی مسکین مسلمان کو صرف اللہ تعالیٰ کی رضا کے لیے پہنائے تو زندہ مردہ دونوں حالتوں میں جب تک اس پر ایک دھاگہ بھی رہے گا وہ اللہ تعالیٰ کے حفظ وامان اور قرب میں رہے گا فرماتے ہیں : پھر آپ نے اپنی قمیض پھیلائی اور اس میں اپنی انگلیوں سے زائد کپڑاپایا حضرت عبداللہ سے فرمایا : بیٹا ! چھری لاؤ وہ گئے اور چھری لے آئے پھر اپنی آستین پھیلائی جو فال تو کر ا نظر آیا اسے کاٹ دیا ہم نے کہا : امیرالمومنین ! کیا ہم درزی کونہ بلالائیں جو اسے ٹانکے لگادے ؟ فرمایا نہیں ابوامامہ فرماتے ہیں ! اس کے بعد میں نے حضرت عمر (رض) کو دیکھا کہ اس قمیض کا کپڑا آپ کی انگلیوں پر لگ رہا تھا آپ اسے روکتے نہ تھے۔ ھناد