٤١٨٣٧۔۔۔ ابومطر سے روایت ہے کہ حضرت علی (رض) ایک نوجوان لڑکے کے پاس آئے اور اس سے ایک قمیض خریدی اور اسے ہاتھوں کے گٹوں سے ٹخنوں تک پہن لیا اور پہنتے وقت فرمایا : تمام تعریفیں اللہ کے لیے جس نے مجھے وہ لباس عطا فرمایا جس کے ذریعہ میں لوگوں میں زینت اختیار کرتا ہوں اور اپنا سترچھپاتاہوں کسی نے کہا : یہ الفاظ آپ اپنی طرف سے کہہ رہے ہیں۔ یا نبی (صلی اللہ علیہ وآلہ وسلم) سے ؟ آپ نے فرمایا : میں نے یہ الفاظ رسول اللہ (صلی اللہ علیہ وآلہ وسلم) سے سنے ہیں آپ کپڑاپہنتے وقت فرماتے تھے، الحمد للہ الذی رزقنی من الریاش مااتجمل بہ فی الناس واواری بہ عورتی، مسنداحمد، وھناد، ابویعلی، قال ابو حاتم : ابومطر مجھول