٤١٩٧١۔۔۔ (مسندعلی) ابومریم سے روایت ہے فرمایا : میں نے حضرت علی بن ابی طالب (رض) کو فرماتے سنا کہ حضرت فاطمہ (رض) دوپتھروں میں میدہ کوٹ رہی تھیں یہاں تک کہ ان کے ہاتھ میں آبلے پڑگئے : جاؤرسول اللہ (صلی اللہ علیہ وآلہ وسلم) سے خادم مانگو، چنانچہ ایک یادورات ایسا کیا جب رسول اللہ (صلی اللہ علیہ وآلہ وسلم) تشریف لائے تو آپ کو بتایا گیا کہ فاطمہ (رض) کسی کام سے آئیں مگر آپ کے تاخیر سے آنے کی وجہ سے اپنے گھرواپس چلی گئیں تو ہمارے پاس رسول اللہ (صلی اللہ علیہ وآلہ وسلم) تشریف لائے اور ہم لوگ سونے کے لیے اپنے بستروں میں داخل ہوچکے تھے جب آپ (صلی اللہ علیہ وآلہ وسلم) نے اجازت طلب کی تو ہم لوگوں نے اپنے کپڑے اوڑھنے کے لیے حرکت کی آپ کو جب یہ آواز آئی تو فرمایا : اپنے لحاف میں ہی رہو ! پھر ہمارے پاس آکر ہمارے سروں کے پاس بیٹھ گئے اور اپنے پاؤں میرے اور ان کے درمیان بستر میں داخل کرلئے پھر فرمایا : مجھے پتہ چلا ہے کہ میری بیٹی کسی کام سے آئی تھی بیٹی ! کیا کام تھا یا فرمایا۔ بیٹی تمہاری کیا ضرورت ہے ؟ توفاطمہ (رض) نے اس حالت میں آپ سے گفتگو کرنے سے شرم محسوس کی تو حضرت علی (رض) نے رسول اللہ (صلی اللہ علیہ وآلہ وسلم) کے دویاتین بارپوچھنے کے بعدان کی طرف سے جواب دیاعرض کی یارسول اللہ ! وہ آپ کے پاس آئی تھیں کہ میدہ کوٹ کوٹ کر ان کے ہاتھ آبلہ زدہ ہوگئے ہیں وہ خادم طلب کرنے آئی تھیں آپ نے فرمایا : جب تم اپنے بستروں پر آؤ تو تینتیس ٣٣ بار سبحان اللہ، تینتیس ٣٣ بار اللہ اکبر اور چونتیس ٣٤ بار الحمد للہ کہا کرو یہ شمار سو ہے یہ تمہارے لیے اس سے بہتر جو تم نے مانگی ہے۔ رواہ ابن جریر