٤١٩٧٢۔۔۔ (مسندعلی (رض)) عبید ۃ علی (رض) سے روایت کرتے ہیں فرمایا : فاطمہ (رض) نے چکی پیسنے کی وجہ سے اپنے ہاتھوں پرچھالے پڑنے کی شکایت کی میں نے کہا : اگر اپنے والدمحترم کے پاس جاکر خادم مانگ لیتیں (تو یہ مشقت نہ رہتی) فرماتے ہیں وہ نبی (صلی اللہ علیہ وآلہ وسلم) کے پاس آئیں لیکن انھیں نہ پایا تو واپس لوٹ آئیں جب آپ واپس تشریف لائے تو آپ کو اطلاع دی گئیں پھر آپ ہمارے پاس تشریف لائے اس وقت ہم بستروں میں لیٹ چکے تھے ہم پر ایک بڑی چادر تھی جب ہم اسے لمبائی میں اوڑھتے تو اس سے ہمارے پہلوباہرنکل آتے اور جب چوڑائی میں اوپر لیتے تو ہمارے سر اور پاؤں کھلے رہ جاتے آپ (صلی اللہ علیہ وآلہ وسلم) نے فرمایا : فاطمہ ! مجھے پتہ چلا ہے کہ تم آئیں لیکن میں گھرپرنہ تھا کیا ضرورت تھی ؟ انھوں نے عرض کی : کچھ بھی نہیں میں نے کہا : انھوں نے مجھ سے چکی پیسنے سے ہاتھوں میں چالوں کی شکایت کی تھی میں نے کہا : اگر اباحضور کے پاس جائیں اور ان سے خادم مانگ لیتیں، آپ نے فرمایا : کیا میں تمہیں ایسی چیز نہ بتاؤں جو تمہارے لیے خادم سے بہتر ہو ؟ جب اپنے بستروں پر آؤ تو تم دونوں تینتیس بار سبحان اللہ تینتیس بار الحمد للہ اور چونتیس بار اللہ اکبر کہہ لیا کرو۔ ابن جریر و صحیحہ