٤١٩٧٤۔۔۔ (مسند علی) قاسم مولی معاویہ سے روایت ہے کہ انھوں نے علی بن ابی طالب سے سنا : انھوں نے ذکر کیا کہ انھوں نے فاطمہ (رض) کو کہا کہ رسول اللہ (صلی اللہ علیہ وآلہ وسلم) سے خادم طلب کریں وہ کہنے لگیں یارسول اللہ ! چکی پیسنا میرے لیے گراں ہے اور انھیں اپنے ہاتھ میں چکی سے پڑے نشانات دکھانے لگیں پھرا نہوں نے آپ سے ایک خادم مانگا آپ نے فرمایا : کیا میں تمہیں اس سے بہتر چیز نہ سکھاؤں ؟ یا فرمایا : دنیا اور دنیا کی چیزوں سے بہتر ؟ جب تم اپنے بستر پر آؤ تو چونتیس بار اللہ اکبر تینتیس بارالحمدللہ اور تینتیس بار سبحان اللہ کہہ لیا کرو یہ تمہارے لیے دنیا اور دنیا کی چیزوں سے بہتر ہے۔ رواہ ابن جریر