٤١٩٧٥۔۔۔ طلب بن حوشب جو عوام بن حوشب کے بھائی ہیں جعفر بن محمد سے وہ اپنے والد علی بن الحسین وہ حضرت حسین بن علی سے وہ حضرت علی بن ابی طالب (رض) سے روایت کرتے ہیں کہ انھوں نے حضرت فاطمہ (رض) سے کہا : اپنے والد محترم کے پاس جاؤ اور ان سے غلام مانگو جو تمہیں چکی اور تنور کی گرمی سے بچائے چنانچہ وہ آپ کے پاس آئیں اور غلام مانگا تو آپ نے فرمایا : جب قیدی آئیں تو میرے پاس آنا پھر بحرین کی جانب سے قیدی آئے تو لوگ آپ سے غلام مانگتے رہے اور رسول اللہ (صلی اللہ علیہ وآلہ وسلم) بہت عطا کرنے والے تھے جو چیز بھی مانگی جاتی آپ دے دیتے اور جب کچھ بھی نہ بچاتو وہ آپ کے پاس غلام مانگنے آئیں تو رسول اللہ (صلی اللہ علیہ وآلہ وسلم) نے ان سے فرمایا : ہمارے پاس قیدی آئے اور وہ لوگوں نے مانگ لیے لیکن میں تمہیں ایسے کلمات سکھاتا ہوں جو تمہارے لیے خادم سے بہتر ہیں۔ جب اپنے بستر پر آؤ توکہاکرواللہ ! اے سات آسمانوں اور عرش عظیم کے رب ! اے ہمارے رب اور ہرچیز کے رب ! توراۃ انجیل اور قرآن کو نازل کرنے والے دانہ اور کٹھلی کو پھاڑنے والے میں تیری پناہ طلب کرتا ہوں ہراس چیز کے شر سے جس کی پیشانی تیرے ہاتھ میں ہے تو ہی سب سے پہلے ہے تجھ سے پہلے کچھ نہیں تو ہی سب سے آخر میں ہے تیرے بعد کچھ نہیں تو ہی ظاہر ہے تیرے اوپر کوئی چیز نہیں ہمارا قرض اداکردے اور ہمیں فقروفاقہ سے بےنیاز کردے چنانچہ فاطمہ (رض) لونڈی کے بدلہ ان کلمات پر خوش ہو کرواپس ہوگئیں، حضرت علی (رض) فرماتے ہیں : میں نے ان کلمات کو جب سے رسول اللہ (صلی اللہ علیہ وآلہ وسلم) نے مجھے سکھائے انھیں نہیں چھوڑا کسی نے کہا صفین کی رات بھی ؟ آپ نے فرمایا : صنین کی رات بھی نہیں۔ ابونعیم انتقاء الوحشۃ