٤١٩٧٧۔۔۔ اسی طرح شیث بن ربعی حضرت علی (رض) سے روایت کرتے ہیں فرمایا : کہ رسول اللہ (صلی اللہ علیہ وآلہ وسلم) کے پاس کچھ قیدی آئے تو علی (رض) نے فاطمہ (رض) سے کہا : اپنے والد رسول اللہ (صلی اللہ علیہ وآلہ وسلم) کے پاس جاکر خادم مانگوتا کہ تم اس کے ذریعہ سے کام کی مشقت سے بچ سکو تو وہ شام کے وقت آئیں تو رسول اللہ (صلی اللہ علیہ وآلہ وسلم) نے ان سے فرمایا : بیٹی کیا ضرورت ہے ؟ تو انھوں نے کہا : میں آپ کو سلام کرنے آئی تھی۔ اور شرم وحیا کی وجہ سے سوال نہیں کیا جب وہ واپس آئیں تو حضرت علی (رض) نے ان سے کہا : کیا ہوا ؟ انھوں نے کہا : میں نے حیا کی وجہ سے ان سے سوال نہیں کیا جب دوسرا دن ہوا تو پھر ان سے کہا : والد صاحب کے پاس جاؤ اور ان سے خادم مانگو تاکہ کام سے بچ سکوچنانچہ وہ پھر آپ کے پاس گئیں جب ان کے پاس پہنچیں تو آپ نے فرمایا : بیٹی ! کیا ضرورت ہے ؟ تو انھوں نے کہا : کوئی بات نہیں اباجان ! میں نے کہا دیکھوں آپ کیسے ہیں۔ اور حیا کی وجہ سے کچھ نہیں مانگا اور جب تیسرا دن ہوا تو انھوں نے ان سے کہا : چلو ! تو دونوں رسول اللہ (صلی اللہ علیہ وآلہ وسلم) کے پاس آئے تو رسول اللہ (صلی اللہ علیہ وآلہ وسلم) نے فرمایا : کیا بات ہے ؟ تو حضرت علی (رض) نے کہا : یارسول اللہ ! ہم پر کام کی مشقت ہے ہم نے چاہا کہ آپ ہمیں کوئی خدمت گا رعطاکریں جس کی وجہ سے ہم کام سے بچ سکیں تو رسول اللہ (صلی اللہ علیہ وآلہ وسلم) نے ان سے فرمایا : کیا میں تمہیں سرخ اونٹنیوں سے بہتر چیز بتاؤں ؟ تو حضرت علی (رض) نے کہا : جی ہاں رسول اللہ ! آپ نے فرمایا : جب تم سونے لگوتو اللہ اکبر، سبحان اللہ، الحمدللہ سوبارکہہ لیا کرویوں تم ایک ہزار نیکیوں میں رات گزاروگے اسی طرح صبح کے وقت جب اٹھوگے تو ایک ہزار نیکیوں میں بیدار ہوگے تو حضرت علی (رض) نے کہا کہ جب سے میں نے رسول اللہ (صلی اللہ علیہ وآلہ وسلم) سے یہ الفاظ سنے مجھ سے نہیں رہے صرف صفین کی رات کہ میں انھیں بھول گیا پھر رات کے آخری حصہ میں میں مجھے یاد آئے۔ العدنی وابن جریر، حلیۃ الاولیاء