٤١٩٧٦۔۔۔ حضرت علی (رض) سے روایت ہے کہ فاطمہ (رض) نے کہا : چچاز اد ! میرے لیے گھر کا کام اور چکی پیسنا مشکل ہے تو تم رسول اللہ (صلی اللہ علیہ وآلہ وسلم) سے بات کرو ! میں نے ان سے کہا : ٹھیک ہے اگلے دن رسول اللہ (صلی اللہ علیہ وآلہ وسلم) بذات خود ان کے پاس تشریف لے آئے اور وہ دونوں ایک لحاف میں سو رہے تھے دروازہ پر دستک دینے اور اجازت لے کر اندر آنے کے بعد آپ نے ان سے فرمایا اٹھو نہیں آپ نے سردی کی وجہ سے اپنے پاؤں ان دونوں کے درمیان بیٹھ کر بستر میں داخل کرلئے تو فاطمہ (رض) کہنے لگیں اللہ کے نبی ! مجھے گھر کے کام سے مشقت ہوتی ہے مال غنیمت جو اللہ تعالیٰ آپ کو عطا کرتا ہے اس میں سے کسی خادمہ کو حکم دیتے تو (میری کافی امداد ہوجاتی) آپ (صلی اللہ علیہ وآلہ وسلم) نے فرمایا : کیا میں تمہیں اس سے بہتر چیز نہ سکھاؤں ؟ تینتیس بار سبحان اللہ تینتیس بار الحمد للہ اور چونتیس اللہ اکبرکہہ لیا کرو یہ زبانی حساب میں سو ہے اور عملی میزان میں ایک ہزار ہے اور یہ اس وجہ سے کہ اللہ تعالیٰ فرماتا ہے : جو ایک نیکی لے کر آیا تو اس کے لیے اس جیسی دس نیکیاں ہیں، ایک لاکھ تک ۔ طبرانی فی الاوسط