٤١٩٨٣۔۔۔ حضرت علی (رض) سے روایت ہے فرمایا : کہ رسول اللہ (صلی اللہ علیہ وآلہ وسلم) کی خدمت میں ایک غلام ہدیہ میں آیا جو کسی عجمی بادشاہ نے آپ کو ہدیہ دیا تھا میں نے فاطمہ (رض) سے کہا : اباحضور کے پاس جاؤ اور ان سے خادم طلب کرو، فاطمہ (رض) آئیں مگر آپ کو گھرپر نہ پایا وہ دن حضرت عائشہ (رض) کا تھا پھر دوسری مرتبہ بھی جب آپ کونہ پایا تو واپس آگئیں پے ررپے چار مرتبہ گئیں لیکن آپ اس دن نہ آئے یہاں تک کہ عشاء کی نماز ہوگئی جب آپ واپس آئے حضرت عائشہ (رض) نے آپ کو بتایا کہ فاطمہ (رض) چار بار آئی تھیں آپ کو تلاش کررہی تھیں آپ فاطمہ (رض) کے پاس آئے اور فرمایا کس وجہ سے تم اپنے گھر سے نکلیں فرماتے ہیں ! میں نے انھیں اشارہ کیا کہ اباحضور سے خادم مانگو انھوں نے اپنا ہاتھ حضور (صلی اللہ علیہ وآلہ وسلم) کے سامنے کیا عرض کی : چکی کی وجہ سے میرے ہاتھ آبلہ زدہ ہوگئے ہیں پوری رات میں چکی پیستی رہی اور ابوالحسن حسن و حسین کو اٹھاتے ہیں آپ نے فرمایا : اے فاطمہ بنت محمد صبر سے کام لو کیونکہ بہترین عورت وہ ہے جوا پنے گھروالوں کے لیے فائدہ مندہو کیا میں تم دونوں کو اس سے بہتر چیز نہ بتاؤں جو تم چاہتے ہو ؟ جب اپنے بستر پر آؤ تو تینتیس بار اللہ اکبر تینتیس بار الحمد للہ اور تینتیس بار سبحان اللہ کہہ لیا کرو اور لاالہ الا اللہ کے ساتھ سے ختم کرلیا کرو یہ تمہارے لیے تمہاری چاہت اور دنیا اور اس کی چیزوں سے بہت رہے۔ ابن جریروسمویہ