٤٢٠١٨۔۔۔ بیہقی نے کہا ہمیں ابونصربن قتادۃ نے ان سے ابو عمروبن مطر نے ان سے جعفر بن محمد المستفاض فریابی نے کہا مجھ سے ابو وھب الولید بن عبدالملک بن عبداللہ الجہنی نے وہ اپنے چچا ابومشجعۃ سے وہ ربع سے وہ ابن زمل جہنی (رض) سے روایت کرتے ہیں فرمایا : کہ رسول اللہ (صلی اللہ علیہ وآلہ وسلم) فجر کی نماز پڑھ لیتے تو پاؤں موڑے ہوئے ہی فرماتے، سبحان اللہ و بحمد ہ واستغفر اللہ ان اللہ کان توابا، ستر بارفرماتے پھر فرماتے سترسات سو کے بدلہ اس شخص میں کوئی چیز نہیں جس کے ایک دن کے گناہ سات سو سے زیادہ ہوں پھر لوگوں کی طرف متوجہ ہو کر فرماتے آپ کو خواب پسند تھے کیا کسی نے کوئی خواب دیکھا ہے ؟ تو ابن زمل نے کہا : اللہ کے نبی ! میں نے آپ نے فرمایا : بھلائی تمہیں ملے اور برائی سے تم محفوظ رہو بھلائی ہمارے لیے اور برائی ہمارے دشمنوں پر اور تمام تعریفیں اللہ کے لیے بتاؤتو میں نے کہا : میں نے دیکھا کہ سب لوگ ایک لمبے کشادہ راستہ پر ہیں۔ لوگ شاہر اہ پر جارہے ہیں۔ چلتے چلتے یہ راستہ ایک چراگاہ تک پہنچ گیا میری آنکھوں نے اس جیسی سرسبز و شاداب چراگاہ نہیں دیکھی اس کا پانی گررہا ہے اس میں ہر قسم کی گھاس گویا میں پہلے نولہ میں تھا جو چراگاہ کی طرف لپکے انھوں نے اللہ اکبر کہا اور اپنے گھوڑے راستہ میں ڈال دیئے اور اس چراگاہ کے دائیں بائیں میں سے کچھ نقصان نہیں کیا گویا میں اب بھی انھیں چلتا دیکھ رہاہوں۔ پھر دوسرا گروہ آیا جو ان سے زیادہ تھے جب وہ چراگاہ کے کنارے پہنچے تو اللہ اکبر کہا اپنی سواریاں راستہ میں ڈال دیں تو کچھ کھانے لگے اور کچھ نے مٹھی بھرگی اس لے لی اور اسی رخ چلتے بنے پھر سب سے زیادہ لوگ آئے جب چراگاہ تک پہنچی تو نعرہ تکبیر بلند کرکے کہنے لگے : یہ پڑاؤ کی بہترین جگہ ہے میں دیکھ رہاہوں کہ وہ دائیں بائیں پھیل گئے میں نے جب یہ صورت حال دیکھی تو میں راہ پر چل پڑایہاں تک کہ چراگاہ کی انہتاتک پہنچ گیا وہاں میں نے یارسول اللہ ! آپ کو پایا آپ ایک منبر پر ہیں جس کی سات سیڑھیاں ہیں آپ سب سے اونچی سیڑھی پر تھے اور آپ کے دائیں جانب مونچھوں والا ایک شخص ہے جس کے نتھنے تنگ اور ناک اٹھی ہوئی ہے وہ جب بات کرتا ہے تو چھا جاتا ہے لمبائی میں مردوں سے بلند ہے اور آپ کے بائیں جانب میانہ قدبھرے بند والا سرخ رنگ اور زیادہ تلوں والا ایک شخص ہے گویا اس نے گرم پانی سے اپنے بال دھوئے ہیں جب وہ بولتا ہے تو آپ سب لوگ اس کی عزت و اکرام کی خاطر اس پر کان لگاتے ہو اور آپ کے سامنے ایک بوڑھاشخص ہے جو شکل وشباہت میں آپ کے مشابہ تھا آپ سب لوگ اس کی پیروی کرتے ہیں اور ان کے سامنے ایک عمررسیدہ کمزور اونٹنی ہے آپ گویا اس کی پیروی کررہے ہیں۔ تو رسول اللہ (صلی اللہ علیہ وآلہ وسلم) نے فرمایا : جو تم نے کشادہ وسیع اور نہ ختم ہونے والا راستہ دیکھا ہے تو یہ وہ ہدایت ہے جس پر میں نے تمہیں برانگیختہ کیا اور تم اس پر ہو اور جو چراگاہ تم نے دیکھی تو وہ دنیا اور اس کی خوش عیشی ہے میں اور میرے صحابہ (رض) اس کے پاس گزرے اور وہ ہمارے ساتھ نہ چمٹی نہ ہم نے اس کا ارارہ کیا اور نہ اس نے ہمارا قصد کیا پھر دوسرا گروہ آیا جو ہمارے بعد تھا وہ مقدار میں ہم سے کئی گنازیادہ تھا ان میں سے کچھ اس چراگاہ سے کھانے لگے کچھ مٹھی بھرگھاس لے لی اور اس طرح اس سے گزرگئے پھر لوگوں کا بڑا ٹولہ آیا اور وہ چراگاہ کے دائیں بائیں پھیل گئے۔ ، فاناللہ وانا الیہ راجعون، تم تو صحیح راستہ پرچلتے رہوگے اور آخرکار مجھ سے آملو گے اور وہ جو سات سیڑھیوں والا تم نے دیکھا میں سب سے اوپر والے درجہ میں ہوں تو دنیا کے سات ہزارسال ہیں اور میں سب سے آخری ہزارویں سال میں ہوں اور جو شخص تم گندمی رنگ مونچھوں والا دیکھا وہ موسیٰ (علیہ السلام) تھے وہ اللہ تعالیٰ سے کلام کی وجہ سے جب لوگوں سے گفتگو کرتے تو ان پر غالب آجاتے اور جو میانہ قد بھرے بند چہرے پر زیادہ تلوں والا شخص تم نے میرے بائیں جانب دیکھا وہ عیسیٰ بن مریم علیہماالسلام تھے اللہ تعالیٰ نے ان کا اکرام کیا اس لیے ہم ان کی عزت و اکرام کررہے تھے۔ اور جو بوڑھے شخص تم نے شکل وشباہت میرے مشابہ دیکھے وہ ہمارے باپ ابراہیم (علیہ السلام) تھے ہم سب ان کی پیروی اوراقتداء کرتے ہیں۔ اور جو اونٹنی تم نے دیکھی کہ میں اس کا پیچھا کررہاہوں تو وہ قیامت ہے جو ہم پر قائم ہوگی میرے بعد کوئی نبی نہیں اور نہ میری امت کے بعد کوئی امت ہے۔