٤٢٠١٩۔۔۔ عبداللہ بن سلام (رض) سے روایت ہے فرمایا : ایک دفعہ میں سویا ہوا تھا کہ خواب میں ایک شخص میرے پاس آکر کہنے لگا : اٹھو اس نے میرا ہاتھ پکڑا اور میں اس کے ساتھ چل دیا اچانک کیا دیکھتا ہوں کہ میرے بائیں طرف گھاٹی ہے تو اس شخص نے کہا : اس میں نہ چلنا یہ بائیں طرف والوں کے راستہ ہیں پھر میں نے اپنے دائیں ایک گھاٹی دیکھی تو اس نے مجھے کہا : اس میں چلو پھر وہ مجھے ایک پہاڑپرلے آیا مجھے کہنے لگا : اس پرچڑھو تو میں جب بھی چڑھنے کا ارادہ کرتا تو پیچھے گرپڑتا میں نے ایسا کئی بار کیا۔ پھر مجھے ایک ستون کے پاس لے گیا جس کا سرا آسمان پر اور اس کی بنیادزمین میں ہے اس کی چوٹی پر ایک حلقہ ہے مجھے کہا کہ اس پرچڑھو، میں نے کہا : میں اس پر کی سے چڑھ سکتا ہوں اس کا سرا آسمان پر ہے تو اس نے میرا ہاتھ پکڑا اور مجھے اوپر پھینک دیا اور میں حلقہ کے ساتھ لٹک گیا پھر اس نے ستون کو ماراتو وہ گرگیا اور حلقہ کے ساتھ لٹکتارہ گیا یہاں تک کہ صبح ہوگئی میں نبی (صلی اللہ علیہ وآلہ وسلم) کے پاس آیا اور ان سے ساراقصہ بیان کیا آپ نے فرمایا : تم نے اپنے دائیں طرف جو راستے دیکھے تو وہ دائیں طرف والے لوگوں کے راستے ہیں اور وہ پہاڑشہداء کی منزلیں ہیں جس تک تم ہرگز نہیں پہنچوگے اور رہاوہ ستون تو وہ اسلام کا ستون ہے۔ اور وہ حلقہ اسلام کا حلقہ ہے جسے تم مرتے دم تک تھا مے رکھو گے۔ پھر فرمایا : کیا تمہیں پتہ ہے اللہ نے مخلوق کو پیدا کیا ہے ؟ میں نے کہا : نہیں آپ نے فرمایا : اللہ نے آدم (علیہ السلام) کو پیدا کیا اور فرمایا : تم سے فلاں فلاں یداہوں گے اور فلاں سے فلاں اور فلاں سے فلاں پیدا ہوگا، اس کی اتنی اتنی عمرایسا ایساعمل اور اتنا اتنا اس کا رزق ہوگا پھرا س میں روح پھونکی جاتی ہے۔ رواہ ابن عساکر