٤٢١٦٩۔۔۔ مومن پر جان کنی کی کیفیت ہوتی ہے تو رحمت کے فرشتے اس کے سفیدریشم لے کر آتے ہیں اور کہتے ہیں : اے روح خوش ہو کر اور تجھ سے رضامندی ہے راحت ریحان اور اس رب کی طرف نکل جو ناراض نہیں پھر وہ یوں نکلتی ہے جیسے عمدہ خوشبو اور وہ فرشتے ایک دوسرے کو دیتے دیتے آسمان کے دروازہ تک پہنچ جاتے ہیں تو وہ کہتے ہیں : یہ زمین سے آنے والی روح کتنی اچھی ہے پھر وہ اسے مومنوں کی ارواح کے پاس لے آتے ہیں تو انھیں ایسی ہی خوشی ہوتی ہے جیسے تم کسی غائب آدمی کی موجودگی سے محسوس کرتے ہو اس کے بعد وہ اس سے پوچھتے ہیں کہ فلاں نے کیا کیا اور فلانی نے کیا کیا ؟ تو فرشتے ان سے کہتے ہیں : اسے رہنے دو کیونکہ یہ دنیا کے غم میں تھا پھر جب وہ کہتا ہے کہ کیا وہ تمہارے پاس نہیں آیا ؟ تو وہ کہتے ہیں اسے جہنم کی طرف لے گئے۔ اور کافر کی جب جانکنی کی گھڑی ہوتی ہے تو عذاب کے فرشتے ٹاٹ کا ٹکڑا لے کر اس کے پاس آتے ہیں اور کہتے ہیں : نکل اس حال میں کہ تو ناراض اور تجھ پر ناراضگی ہے اللہ تعالیٰ کے عذاب کی طرف چنانچہ وہ مردار کی بدبو کی طرح نکلتی ہے یہاں تک کہ اسے زمین کے دروازے تک لاتے ہیں تو وہ فرشتے کہتے ہیں : کتنی بدبودا رہے یہاں تک کہ اسے کفار کی ارواح تک لے آتے ہیں۔ نسائی ، حاکم عن ابوہریرہ