٤٢١٧٠۔۔۔ جب مومن کی روح نکلتی ہے تو دو فرشتے اس سے ملتے اور اسے اوپرلے جاتے ہیں پھر اس کی عمدہ خوشبو کا ذکر ہوتا ہے تو آسمان والے کہتے ہیں : پاک روح ہے جو زمین کی طرف سے آئی اللہ تعالیٰ کا تجھ پر اور اس جسم پر سلام ہو جسے تو نے آباد رکھا، پھر اسے اس کے رب کے حضور لے جاتے ہیں پھر اس کے متعلق ارشاد فرماتے ہیں : کہ اسے آخری مدت تک کے لیے لے جاؤ اور جب کافر کی روح نکلتی ہے تو اس کی بدبو کا ذکر ہوتا ہے تو آسمان والے کہتے ہیں : خبیث روح ہے جو زمین کی طرف سے آئی پھر کہا جاتا ہے : اسے آخری وقت کے لیے جاؤ۔ مسلم عن ابوہریرہ