42494: ۔۔۔ مومن کو جب اس کی قبر میں رکھا جاتا ہے تو اس کے پاس ایک فرشتہ آ کر کہتا ہے : تو کس کی عبادت کرتا تھا ؟ پس اللہ تعالیٰ اس کی رہنمائی کرتا ہے وہ کہتا ہے : میں اللہ تعالیٰ کی عبادت کرتا تھا، پھر اس سے کہا جائے گا : اس شخص کے بارے میں تو کیا کہتا ہے ؟ تو وہ کہے گا وہ اللہ تعالیٰ کے بندے اور اس کے رسول ہیں اس کے علاوہ اس سے کسی چیز کا سوال نہیں ہوگا، پھر اسے جہنم میں اس کے لیے بنے گھر کی طرف لے جایا جائے گا، اور اس سے کہا جائے گا : یہ جہنم میں تمہارا گھر تھا جس سے اللہ تعالیٰ نے تمہیں بچا لیا، تم پر رحم کیا اور اس کے بدلہ جنت میں تمہیں ایک گھر دیا ہے، تو وہ کہے گا : مجھے جاندے دو تاکہ میں اپنے گھر والوں کو خوشخبری دوں، اس سے کہا جائے گا (اس میں) رہو، اور کافر کو جب اس کی قبر میں رکھا جاتا ہے تو اس کے پاس ایک فرشتہ آتا ہے اور اسے ڈانٹ کر کہتا ہے : تو کس کی عبادت کرتا تھا ؟ تو وہ کہے گا : مجھے علم نہیں، تو اس سے کہا جائے گا : نہ تو نے (خود) جانا اور نہ تو نے کسی کی پیروی کی، پھر اسے کہا جائے گا : اس شخص کے بارے میں تو کیا کہتا ہے ؟ تو وہ کہے گا : میں وہی کہتا ہوں جو اور لوگ کہتے ہیں تو لوہے کے ایک گرز سے اس کے سر پر مارا جائے گا تو وہ ایسی چیخ مارتا ہے جسے انسانوں اور جنوں کے علاوہ ساری مخلوق سنتی ہے۔ (ابو داؤد عن انس)