42496: ۔۔۔ مرنے والے کے پاس فرشتے آتے ہیں پس اگر وہ نیک شخص ہو تو وہ کہتے ہیں اے پاک روح جو پاک جسم میں تھی، نکل ! تجھے راحت و خوشبو اور ایسے پروردگار کی خوشخبری ہو جو ناراض ہونے والا نہیں، پھر اسے یوں ہی کہا جاتا رہتا ہے یہاں تک کہ وہ نکل جاتی ہے پھر اسے آسمان کی طرف بلند کیا جاتا ہے تو اس کے لیے آسمانی دروازے کھول دیے جاتے ہیں، وہاں کے فرشتے کہتے ہیں : یہ کون ہے ؟ تو وہ (فرشتے جو روح کو لاتے ہیں) کہتے ہیں : یہ فلاں شخص ہے، تو کہا جاتا ہے : پاک روح کو خوش آمدید جو پاک بدن میں تھی، قابل تعریف ہو کر نکل ! تجھے راحت و خوشبو اور ایسے رب کی خوشخبری ہو جو ناراض ہونے والا نہیں، اسے یوں ہی کہا جاتا رہتا ہے یہاں تک کہ اسے اس آسمان تک پہنچا دیا جاتا ہے جہاں اللہ تعالیٰ (کا عرش) ہوتا ہے۔
اور اگر وہ شخص برا ہو تو وہ کہتے ہیں : اے خبیث روح جو خبیث بدن میں تھی قابل مذمت ہو کر نکل تجھے کھولتے پانی پیپ اور ان جیسے دوسرے عذابوں کی خوشخبری ہو، اسے یوں ہی کہا جاتا رہتا ہے کہ وہ نکل جاتی ہے پھر آسمان کی طرف چڑھایا جاتا ہے اس کے لیے دروزے کھلوانے کی درخواست کی جاتی ہے، کہا جاتا ہے : یہ کون ہے ؟ کہا جاتا ہے فلاں ہے، تو کہا جاتا ہے، نامبارک ہوخبیث روح کو جو خبیث بدن میں تھی، قابل مذمت ہو کر لوٹ جا، کیونکہ تیرے لیے آسمانی دروازے نہیں کھولے جائیں گے پھر اسے آسمان سے چھوڑ دیا جاتا ہے تو وہ قبر تک پہنچ جاتی ہے۔
نیک بندہ تو اپنی قبر میں بےخوف و خطر بیٹھ جاتا ہے پھر اس سے کہا جاتا ہے تو کس دین پر تھا ؟ وہ کہتا ہے میں دین اسلام پر تھا، اس سے کہا جاتا ہے : کیا تو نے اللہ تعالیٰ کو دیکھا ہے ؟ تو وہ کہے گا کسی کے لیے بھی اللہ تعالیٰ کا دیکھنا مناسب نہیں پھر جہنم کی طرف سے تھوڑی کشادگی کی جاتی ہے تو وہ دیکھے گا کہ وہ ایک دوسرے کو جلا رہی ہے، اسے کہا جائے گا : دیکھ جس سے اللہ تعالیٰ نے تجھے بچا لیا، پھر اس ک لیے جنت کی جانب سے تھوڑی کشادی کی جاتی ہے تو وہ اس کی رونق اور اس کی چیزوں کو دیکھے گا، اس سے کہا جائے گا : یہ تیرا ٹھکانا ہے، اس سے کہا جائے گا : تو یقین پر تھا اسی پر تیری موت ہوئی اور اس پر انشاء اللہ تجھے اٹھایا جائے گا۔
اور برا شخص اپنی قبر میں خوفزدہ اور دل برداشتہ ہو کر بیٹھتا ہے اس سے کہا جائے گا : تو کس دین پر تھا ؟ وہ کہے گا : مجھے پتہ نہیں، اس سے کہا جائے گا : یہ شخص (محمد (صلی اللہ علیہ وآلہ وسلم)) کون تھے ؟ وہ کہے گا جو بات لوگ کہتے تھے میں نے بھی وہی کہہ دی، تو اس کے لیے جنت کی طرف سے تھوڑی کشادگی کی جاتی ہے تو وہ اس کی بہار اور اس کی چیزیں دیکھے گا، اس سے کہا جائے گا : دیکھ جسے اللہ تعالیٰ نے تجھ سے ہٹا لیا، پھر اس کے لیے جہنم کی طرف سے کشادگی کی جائے گی، وہ اسے جلتی اور چٹختی دکھائی دے گی اسے کہا جائے گا یہ تیری جگہ ہے تو شک پر تھا اسی پر تو مرا اور انشاء الہ اسی پر تجھے اٹھایا جائے گا۔ ابن ماجۃ عن ابوہریرہ ۔