42508: ۔۔۔ اس امت کو قبروں میں آزمایا جائے گا۔ مومن کو جب اس کے دوست دفنا کر واپس ہوتے یں تو ایک ہیبت ناک فرشتہ اس کے پاس آتا ہے، پس اس سے کہا جاتا ہے : اس شخص کے بارے میں تو کیا کہتا تھا ؟ تو مومن کہے گا : میں کہتا ہوں کہ وہ اللہ تعالیٰ کے بندے اور اللہ تعالیٰ کے رسول ہیں۔ تو وہ فرشتہ اس سے کہے گا، جہنم میں اپنے ٹھکانے کی طرف دیکھو، جس سے اللہ تعالیٰ نے تمہیں نجات دے دی ہے اور اس کے بدلہ تمہیں جنت میں وہ جگہ دے دی ہے جو تمہیں دکھائی دے رہی ہے، تو مومن کہے گا : مجھے اپنے گھر والوں کو خوشخبری دینے کے لیے جانے دو ، اس سے کہا جائے گا، تو یہیں ٹھہر !
رہا منافق تو جب اس کے رشتہ دار واپس ہوتے ہیں تو اس سے کہا جاتا ہے : تو اس شخص کے بارے میں کیا کہتا ہے وہ کہے گا مجھے کچھ پتہ نہیں، جو بات لوگ کہتے تھے میں بھی وہی کہتا ہوں تو اس سے کہا جائے گا : تجھے کچھ پتہ نہیں، یہ تیرا وہ ٹھکانا تھا جو جنت میں تھا جس کے بدلہ میں تجھے جہنم میں جگہ ملی ہے۔ پھر ہر بندہ کو جس پر اس کی موت ہوئی اسی پر اٹھایا جائے گا، مومن کو اپنے ایمان پر اور منافق کو نفاق پر۔ مسند احمد عن جابر۔