4318: ۔۔ عمر بن خطاب (رض) کے غلام نجدہ کہتے ہیں کہ ایک مرتبہ حضرت عمر (رض) مدینہ کے بازار میں تھے۔ آپ (رض) نے سر جھکا کر ایک کھجور کا حصہ اٹھایا اور اس کو مٹی سے صاف کیا۔ پھر ایک حبشی کے مشکیزے کے قریب سے گذر ہوا تو اس کو فرمایا : یہ لے منہ میں ڈال لے۔ حضرت ابوذر (رض) (جو قریب ہی موجود تھے) بولے : امیر المومنین یہ کیا ہے ؟ آپ (رض) نے فرمایا : (کھجور کا) تھوڑا سا ٹکڑا ہے یا ذرہ ہے، حضرت ابو ذر (رض) نے عرض کیا : نہیں، یہ ذرہ سے زیادہ بڑا ٹکڑا ہے۔ حضرت عمر (رض) فرماتے ہیں اس سے مجھے سورة نساء میں مذکور فرمان الہی خوب سمجھ آگیا :
ان اللہ لایظلم مثقال ذرۃ، و ان تک حسنۃ یضاعفہا ویوت من لدنہ اجرا عظیما۔
بےشک اللہ حق نہیں رکھتا کسی کا ایک ذرہ برابر اور اگر نیکی ہو تو اس کو دو گنا کردیتا ہے۔ اور دیتا ہے اپنے پاس سے بڑا ثواب۔
کہ نیکی ایک ذرہ بھر ہوتی ہے لیکن اللہ پاک اس کو اپنی طرف سے بڑھا چڑھا کر اجر عظیم بنا دیتا ہے۔