4344: ابن عباس (رض) سے مروی ہے کہ حضور (صلی اللہ علیہ وآلہ وسلم) نے حضرت خالد بن ولید (رض) کی سرکردگی میں ایک لشکر بھیجا۔ لشکر میں حضرت عمار بن یاسر (رض) بھی تھے۔ یہ لشکر قریش کے کسی قبیلے یا قبیلہ قیس کی طرف بھیجا گیا تھا۔ جب لشکر وم کے ریب پہنچ گیا تو کسی نے جا کر قوم کو حملہ آور لشکر کی خبر دی۔ لہٰذا وہ سب بھاگ گئے سوائے ایک شخص اور اس کے اہل خانہ کے، چونکہ وہ اپنے گھر والوں سمیت اسلام قبول کرچکا تھا۔ وہ شخص (سوار ہو کر لشکر کے پاس آیا اور ) اپنے گھر والوں کو بولا تم یہیں کجاوے میں ٹھہرو، میں ابھی آتا ہوں۔ چنانچہ وہ شخص چل کر لشکر میں داخل ہوا اور حضرت عمار بن یاسر (رض) کے پاس حاضر ہوا اور عرض کیا : اے ابو الیقظان ! میں اپنے گھر والوں سمیت اسلام قبول کرچکا ہوں کیا یہ میرے لیے فائدہ مند ہوگا۔ یا پھر میں بھی اپنی قوم کی طرح راہ فرار اختیار کرلوں۔ حضرت عمار (رض) نے اس کو کہا : تو اپنے گھر ٹھہر جا تجھے امن ہے۔ چنانچہ وہ شخص اپنے اہل خانہ کے ساتھ لوٹ گیا اور اپنے ٹھکانا پر ٹھہر گیا۔ صبح کو حضرت خالد بن ولید (رض) نے قوم پو لشکر کشی کی تو دیکھا کہ ساری قوم راتوں رات نکل چکی ہے۔ حضرت خالد (رض) نے اس کو ایک باقی رہ جانے والے شخص کو پکڑ لیا۔ حضرت عمار (رض) نے حضرت خالد (رض) کو فرمایا : تم کو اب اس شخص پر کوئی اختیار نہیں۔ میں اس کو امن دے چکا ہوں۔ اور یہ بھی اسلام قبول کرچکا ہے۔ حضرت خالد (رض) نے فرمایا : تمارا اس سے کیا تعلق ؟ میرے امیر ہوتے ہوئے بھی آپ اس کو کیسے امن دے سکتے ہو ؟ حضرت عمار (رض) نے فرمایا : ہاں میں نے اس کو امن دیا ہے حالانکہ آپ امیر ہیں۔ یہ آدمی چونکہ اسلام لا چکا ہے اگر یہ چاہتا تو اپنی قوم کی طرح جاسکتا تھا۔ یونہی بات بڑھ گئی اور دونوں حضرات میں تنازعہ کھڑا ہوگیا حتی کہ جب مدینہ واپس آئے تو دونوں حضور اکرم (صلی اللہ علیہ وآلہ وسلم) کی خدمت میں حاضر ہوئے۔ حضرت عمار (رض) نے اس شخص کا سارا حال سنایا جس کو انھوں نے امان دی تھی۔ حضور (صلی اللہ علیہ وآلہ وسلم) نے حضرت عمار (رض) کی امان کو درست قرار دیا۔ لیکن اسی روز آپ (صلی اللہ علیہ وآلہ وسلم) نے عام ممانعت بھی فرما دی کہ کوئی شخص اپنے امیر کی موجودگی میں کسی کو امان اور پناہ نہ دے۔ حضرت خالد (رض) اور حضرت عمار (رض) کے درمیان حضور کی موجودگی میں بھی تنازعہ اٹھ گیا اور ایک دوسرے کو برا بھلا کہنے لگے حضرت خالد (رض) بولے : یا رسول اللہ یہ غلام آپ کے پاس مجھے گالی دیتا ہے اللہ کی قسم ! آپ اگر یہاں نہ ہوتے تو یہ مجھے کچھ نہ کہہ سکتا۔ حضور (صلی اللہ علیہ وآلہ وسلم) نے فرمایا : اے خالد ! رک جاؤ عمار کو کچھ کہنے سے۔ جو عمار سے بغض رکھتا ہے اللہ اس سے بغض رکھتا ہے اور جو عمار پر لعنت کرتا ہے اللہ اس پر لعنت کرتا ہے۔ پھر حضرت عمار (رض) کھڑے ہو کر چل دیے۔ حضرت خالد (رض) بھی اٹھ کر ان کے پیچھے پیچھے چل دیے۔ حضرت خالد (رض) نے حضرت عمار (رض) کے کپڑے پکڑ لیے اور ان کو راضی کرتے رہے کرتے رہے حتی کہ حضرت عمار (رض) راضٰ ہوگئے۔ اسی بارے میں قرآن کی یہ آیت نازل ہوئیں :
یا ایہا الذین آمنوا اطیعوا اللہ واطیعوا الرسول۔۔۔ الخ۔ النساء : 59 ۔ ابن عساکر۔
یہ حدیث سند حسن کے ساتھ منول ہے۔