43544 ۔۔۔ آج کی رات میں نے اپنے رب کو انتہائی حسین صورت میں دیکھا، فرمایا اے محمد (صلی اللہ علیہ وآلہ وسلم) جانتے ہو کہ ملا اعلی کے فرشتے کس بات میں جھگڑ رہے تھے ؟ میں نے عرض کیا نہیں، تو اللہ تعالیٰ نے اپنا ہاتھ میرے سینہ پر رکھ دیا جس کی ٹھنڈک میں نے محسوس کی، تو مجھے زمین و آسمان کی چیزیں نظر آنے لگیں، فرمایا محمد ! (صلی اللہ علیہ وآلہ وسلم) جانتے ہو ملا اعلی کے فرشتے کس بات میں جھگڑ رہے ہیں ؟ میں نے عرض کیا جی ہاں، کفارات اور درجات کے بارے میں، کفارات نمازوں کے بعد مسجد میں ٹھہرنا، اور جماعتوں کی طرف پیدل جانا، سختیوں (سردی) میں پورا وضو کرنا، اللہ تعالیٰ نے فرمایا محمد تم نے سچ کہا ؟ جس نے ایسا کیا وہ بھلائی کی زندگی جیے گا، بھلائی پر مرے گا اور اپنے گناہوں سے یوں نکلے گا جیسا آج ہی اس کی والدہ نے اسے جنا ہے۔
فرمایا محمد ! جب تم نماز پڑھ لو تو کہا کرو اے اللہ ! میں تجھ سے بھلائی کے کاموں نا شائستہ باتوں کو چھوڑنے اور مسکینوں کی محبت کا سوال کرتا ہوں، اور آپ میری مغفرت فرمائیں مجھ پر رحم کریں، اور میری توبہ قبول کریں، اور جب اپنے بندوں کو آزمانا چاہیں تو مجھے بغیر آزمائے اپنے پاس اٹھالینا، اور درجات، سلام پھیلانا، کھانا کھلانا، جب لوگ سو رہے ہوں نماز پڑھنا۔ (عبدالرزاق، مسند احمد و عبد بن حمید، ترمذی عن ابن عباس)