43545 ۔۔۔ میں تم سے بیان کرتا ہوں کہ مجھے آج صبح تمہارے پاس آنے میں کیوں تاخیر ہوگئی، میں نے وضو کیا اور جتنا میرے مقدر میں نماز پڑھنا تھا میں نے پڑھی، نماز کے دوران مجھے اونگھ آگئی یہاں تک کہ میری طبیعت بوجھل ہونا شروع ہوگئی ، اچانک میں نے اپنے رب کو انتہائی اچھی صورت میں دیکھا، فرمایا محمد ! میں نے عرض کیا میں حاضر ہوں میرے رب ! فرمایا ملا اعلی کے فرشتے کس بات میں جھگڑ رہے ہیں ؟ میں نے عرض کیا مجھے علم نہیں، آپ نے یہ بات تین بار دہرائی، میں نے دیکھا کہ اللہ تعالیٰ نے اپنا ہاتھ میرے سینہ پر رکھ دیا جس کی ٹھنڈک میں نے محسوس کی، میرے سامنے ہر چیز واضح ہوگئی اور میں نے پہچان لیا، فرمایا محمد ! میں نے عرض کی میں حاضر ہوں، فرمایا ملا اعلی کے فرشتے کس بات میں جھگڑ رہے ہیں ؟ میں نے عرض کیا کفاروں میں، فرمایا وہ کیا ہیں ؟ میں نے عرض کیا نیکی کے کاموں کے لیے پیدل چلنا اور نمازوں کے بعد مسجدوں میں بیٹھنا کھانا کھلانا، نرمی سے بات کرنا اور لوگ سو رہے ہوں تو نماز پڑھنا، فرمایا سوال کرو، میں نے عرض کیا اے اللہ میں تجھ سے نیکی کے کاموں، ناشائستہ کاموں کو چھوڑنے مساکین کی محتب کا سوال کرتا ہوں، آپ میری مغفرت فرمائیں، مجھ پر رحم کریں، اور جب کسی قوم کو آزمانا چاہیں تو مجھے بغیر آزمائے اٹھالینا، میں آپ کی، آپ سے محبت کرنے والے کی اور ہر ایسے عمل کی محبت سوال کرتا ہوں جو مجھے آپ کی محبت کے قریب کردے، یہ برحق ہے اسے پڑھ لو اور پھر سیکھ لو۔ ترمذی، حاکم عن معاذ۔
کلام ضعیف الجامع 1633 ۔