4363: ۔۔ عبدالکریم (رح) سے اونٹوں کے ابوال (پیشاب) کے بارے میں پوچھا گیا تو انھوں نے فرمایا : مجھے حضرت سعید بن جبیر (ابن عباس (رض) کے شاگرد) نے محاربین (ڈاکوؤں) کا قصہ سنا یا فرمایا کہ کچھ لوگ حضور (صلی اللہ علیہ وآلہ وسلم) کے پاس حاضر ہوئے اور بولے : ہم اسلام پر آپ کی بیعت کرنا چاہتے ہیں۔ چنانچہ آپ (صلی اللہ علیہ وآلہ وسلم) نے بیعت لے کر ان کو اسلام میں داخل کرایا۔ لیکن یہ لوگ جھوٹے تھے۔ اسلام لانا ان کا مقصد ہرگز نہ تھا۔ چنانچہ یہ بولے کہ ہم کو مدینے کی آب و ہوا موافق نہیں آئی۔ آپ (صلی اللہ علیہ وآلہ وسلم) نے فرمایا : یہ اونٹنیاں (مدینے کے باہر) صبح شام تمہارے پاس آتی رہیں گی تم ان کے دودھ اور پیشاب پیو۔ (یہ ان کے علاج کے لیے تجویز فرمایا تھا)
لہذا وہ لوگ چلے گئے اور یونہی معاملہ چلتا رہا حتی کہ ایک دن ایک شخص چیختا پکارتا رسول اللہ (صلی اللہ علیہ وآلہ وسلم) کے پاس آیا اور بولا ان لوگوں نے آپ کے چرواہے کو قتل کردیا ہے اور آپ کے اونٹوں کو بھگا کرلے گئے ہیں۔ حضور (صلی اللہ علیہ وآلہ وسلم) نے حکم دیا تو لوگوں میں اعلان کردیا گیا اللہ کے شہ سوارو ! سوار ہوجاؤ۔ چنانچہ سب لوگ بغیر ایک دوسرے کا انتظار کیے سوار ہو کر ان کے تعاقب میں چل دوڑ گئے۔ پیچے پیچھے رسول اللہ (صلی اللہ علیہ وآلہ وسلم) بھی چل دیے۔ صحابہ کرام (رض) ان ڈاکوؤں کی تلاش میں ان کے ٹھکانے تک پہنچ ہی گئے۔ چنانچہ صحابہ کرام (رض) ان ڈاکوؤں کو قید کرکے حضور (صلی اللہ علیہ وآلہ وسلم) کی خدمت میں لائے۔ تب اللہ پاک نے مذکورہ حکم نازل فرمایا :
انما جزاء الذین یحاربون اللہ و رسولہ و یسعون فی الارض فسادا الخ۔ المائدہ : 33 ۔
ترجمہ بیت چکا۔
فرمایا : ان کی سزاؤں میں سے جلا وطنی کا حکم جو آیا اس کا مطلب ہے کہ مسلمانوں کی سرزمین سے نکال کر ان کے اپنے وطن میں چھوڑ دیا جائے۔
نبی (صلی اللہ علیہ وآلہ وسلم) نے (آیت نازل ہونے سے پہلے) ان کو یہ سزا دی تھی کہ ان کے ہاتھ پاؤں کٹوا دیے ، سولی دی اور آنکھوں میں گرم بگاڑنے سے منع فرما دیا۔
حضرت سعید (رح) فرماتے ہیں حضرت انس (رض) بھی یہ روایت اسی طرح بیان کرتے ہیں مگر وہ بھی فرماتے ہیں کہ آپ (صلی اللہ علیہ وآلہ وسلم) نے ان کو قتل کے بعد جلوا دیا تھا۔ اور بعض لوگوں کا خیال ہے کہ یہ بنی سلیم کے لوگ تھے، کچھ قبیلہ عرینہ کے تھے اور کچھ بجیلہ کے تھے۔ (رواہ ابن جریر)