4364: (مسند صدیق اکبر (رض)) اسود بن ہلال سے مروی ہے کہ حضرت ابوبکر صدیق (رض) نے اپنے ساتھیوں سے پوچھا : ان دو آیتوں کے بارے میں تم کیا کہتے ہو ؟
ان الذین قالوا ربنا اللہ ثم استقاموا۔ حم السجدۃ۔ 30 ۔
اور جن لوگوں نے کہا کہ ہمارا پروردگار اللہ ہے پھر وہ (اس پر) قائم رہے۔
والذین آمنوا ولم یلبسوا ایمانہم بظلم۔ الانعام۔ 83 ۔
اور جو لوگ ایمان لائے اور اپنے ایمان کو ظلم کے ساتھ مخلوط نہیں کیا۔
لوگوں نے کہا : وہ لوگ جنہوں نے اللہ کو اپنا رب مانا پھر اس پر پکے ہوگئے۔ یعنی کوئی گناہ نہ کیا اور دوسری آیت کا مطلب اور انھوں نے اپنے ایمان کو کسی گناہ کے ظلم کے ساتھ خلط ملط نہیں کیا۔
حضرت ابوبکر (رض) نے فرمایا : تم نے غیر محمل پر ان کو محمول کردیا (یعنی صحیح نہیں بتایا) صحیح مطلب یہ ہے کہ انھوں نے اللہ کو اپنا رب مانا پھر کسی اور معبود بتوں وغیرہ کی طرف متوجہ نہ ہوئے اور دوسری آیت کا مطلب اور انھوں نے اپنے ایمن کو شرک کے ساتھ خلط ملط نہیں کیا۔ (ابن راہویہ، عبد بن حمید، الحکیم، ابن جریر، ابن المنذر، مستدرک الحاکم، ابو الشیخ، ابن مردویہ، حلیۃ الاولیاء، اللالکائی فی السنۃ)