4391: ۔۔ یزید بن ہارون سے مروی ہے کہ حضرت ابوبکر (رض) نے ایک مرتبہ خطبہ دیا اور دوران خطبہ ارشاد فرمایا : (قیامت کے دن) ایک بندہ کو لایا جائے گا۔ جس پر اللہ نے انعام کیا ہوگا اور اس کے مال میں فراوانی عطا کی ہوگی۔ اس نے اپنے بدن کو خوب سنوارا ہوگا لیکن اپنے رب کی نعمت کا انکار کیا ہوگا۔ اس کو اللہ کے سامنے کھڑا کردیا جائے گا۔ اس سے پوچھا جائے گا : تو نے اس دن کے لیے کیا عمل کیا ہے ؟ اور کیا آگے بھیجا ہے ؟ پس وہ ایسی کوئی نیکی نہ پائے گا جو اس نے آگے بھیجی ہو۔ وہ (اپنی مفلسی کو دیکھ کر) اتنا روئے گا کہ اس کے آنسو ختم ہوجائیں گے۔ پھر اس سے باز پرس میں اس کو عار دلائی جائے گی اور رسوا کیا جائے گا کہ تو نے اللہ کی فرمان برداری کو ضائع کردیا چنانچہ پھر وہ خون کے آنسو ختم ہوجائیں گے۔ پھر اس سے باز پرس میں اس کو عار دلائی جائے گی اور رسوا کیا جائے گا کہ تو نے اللہ کی فرمان برداری کو ضائع کردیا چنانچہ پھر وہ خون کے آنسو روئے گا۔ پھر اس کو عار دلائی جائے گی اور ذلیل کیا جائے گا تو وہ اپنے ہاتھوں کو کاٹے گا اور کہنیوں تک کھاجائے گا۔ پھر اس کو اللہ کی اطاعت نہ کرنے پر مزید ذلیل و رسوا کیا جائے گا پھر وہ اس قدر چیخ و پکار کرے گا کہ اس کی آنکھ کے ڈھیلے اس کے رخساروں پر گرجائیں گے۔ اور اس کا ایک ڈھیلہ فرسخ در فرسخ (آٹھ کلومیٹر کے قریب) ہوگا۔ اس کو پھر مزید ذلیل و رسوا کیا جائے گا تب وہ بےاختیار پکار اٹھے گا : یا رب ! مجھے جہنم میں بھیج دے ! اس جگہ سے مجھے چھٹکارا دے دے اور یہی فرمان الہی ہے :
الم یعلموا انہ من یحادد اللہ و رسولہ فان لہ نار جہنم خلدا فیہا ذلک الخزی العظیم۔ برأت : 63)
کیا ان لوگوں کو معلوم نہیں کہ جو شخص خدا اور اس کے رسول سے مقابلہ کرتا ہے تو اس کے لیے جہنم کی آگ (تیار) ہے، جس میں وہ ہمیشہ (جلتا) رہے گا یہ بڑی رسوائی ہے۔ ابو الشیخ۔