44235 حضرت جندب بجلی (رض) فرماتے ہیں۔ اللہ تعالیٰ سے ڈرتے رہو قرآن پڑھو ، چونکہ قرآن تاریک رات کا نور ہے اور دن کی رونق ہے پڑھنے والا خواہ فقروفاقہ کی حالت میں کیوں نہ ہو جب کوئی آزمائش نازل ہو تو اپنے اموال کے دروازوں کو اپنی جانوں کے لیے کھول دو ، جب کوئی بلانازل ہو تو اپنی جانوں کو دین پر قربان کردو، جان لو رسوا وہ شخص ہے جس کا دین رسوا ہو ہلاکت والا وہ ہے جس کا دین ہلاک ہوجائے۔ خبردار ! جنت کے بعد کوئی فقر نہیں ، دوزخ کے بعد کوئی بےنیازی نہیں چونکہ دوزخ اپنے اسیر کو کبھی نہیں چھوڑے گی، اس کی بھڑک ان مٹ ہے اس کی آگ کبھی بجھنے نہیں پائے گی، وہ مسلمان اور جنت کے درمیان حائل ہے جس مسلمان کا ہاتھ اپنے کسی مسلمان بھائی کے ہہاتھ سے رنگ جائے جب بھی وہ جنت میں داخل ہونے کے لیے دروازہ پر پہنچے گا وہاں سے واپس لوٹا دیا جائے گا جان لو آدمی جب مرجاتا ہے اور دفن کردیا جاتا ہے سب سے پہلے اس کا پیٹ بدبودار ہوجاتا ہے، لہٰذا بدبو کے ساتھ ساتھ گندگی کو جمع کرنے کی کوشش مت کرو اپنے اموال اور اپنی جانوں کے معاملہ میں اللہ تعالیٰ سے ڈرتے رہو۔
رواہ البیہقی فی شعب الایمان