44237 حارث اعور کی روایت ہے کہ حضرت علی (رض) نے اپنے بیٹے حضرت حسن (رض) سے مروت کی متعلق چند چیزوں کے بارے میں پوچھا چنانچہ آپ (رض) نے پوچھا : اے بیٹے : راست بازی کیا ہے حضرت حسن نے جواب دیا : اے ابا جان اچھائی سے برائی کو ختم کرنا راست بازی ہے فرمایا : شرف کیا ہے ؟ معاشرے پر احسان کرنا اور گناہ سے رک جانا فرمایا : مروت کیا ہے ؟ عرض کیا : آدمی اپنے معاملات کی اصلاح کرے اور پاکدامنی اختیار کرے ۔ فرمایا : عرض کیا : تھوڑے پر نظر رکھنا اور حضیر سے رک جانا فرمایا : ملامت کیا ہے عرض کیا : آدمی کا اپنے آپ کو محفوظ رکھنا فرمایا : سخاوت کیا ہے ؟ عرض کیا : تنگی اور کشائش میں خرچ کرنا فرمایا : بخل کیا ہے ؟ عرض کیا : یہ کہ تمہارے ہاتھ میں جو چیز ہوا سے بشرف نگاہ دیکھو اور جسے خرچ کردو اسے ضائع سمجھو فرمایا : بھائی بندی کیا ہے ؟ عرض کیا : تنگی اور کشادگی میں وفاداری فرمایا : حبن (سستی) کیا ہے عرض کیا : دوست پر جرات کرنا اور دشمن سے بھاگ جانا فرمایا غنیمت کیا ہے ؟ عرض کیا : تقویٰ میں رغبت کرنا اور دنیا سے بےرغبتی اختیار کرنا ٹھنڈی غنیمت ہے فرمایا : بردباری کیا ہے عرض کیا : غصہ کو پی جانا اور نفس پر قابو پانا۔ فرمایا : غنی کیا ہے ؟ عرض کیا : اللہ کی تقسیم پر راضی رہنا خواہ قسمت میں کم ہو یا زیادہ۔ اصل غنی تو غنائے نفس ہے فرمایا : فقر کیا ہے ؟ عرض کیا ! ہر چیز میں شدت کا حرص فرمایا : زور آوری کیا ہے ؟ عرض کیا : شدت کی جنگ اور سخت لوگوں کا مقابلہ : فرمایا : ذلت کیا ہے ؟ عرض کیا : صدمہ کے وقت آہ وبکا فرمایا : جرات کیا ہے ؟ فرمایا : ہم عمروں پر برس جانا۔ فرمایا : کلفت کیا ہے ؟ عرض یا : لا یعنی ۔ کلام کرنا فرمایا بزرگی کیا ہے ؟ عرض کیا یہ کہ زیادتی کے وقت تم عطا کرو اور جرم کو معاف کرو فرمایا ! عقل کیا ہے عرض کیا : دل کا ہر چیز کو محفوظ رکھنا۔ فرمایا : خرق کیا ہے ؟ عرض کیا : امام سے تمہاری دشمنی اور اس کے سامنے آواز بلند کرنا، فرمایا : سنار کیا ہے ؟ عرض کیا : اچھے کا مکرنا اور برے کام چھوڑ دینا۔ فرمایا : حزم کیا ہے ؟ عرض کیا : طویل بردباری والیوں کے ساتھ نرمی اور لوگوں کو سوء ظن سے بچانا حزم ہے۔ فرمایا : شرف کیا ہے عرض کیا : بھائیوں کی موفقت اور پڑوسیوں کی حفاظت فرمایا : سفہ (بےوقوفی ) کیا ہے عرض کیا : گھٹیاں امور کی اتباع اور گمراہوں کی مصاحبت ۔ فرمایا : غفلت کیا ہے ؟ عرض کیا : مسجد کو چھوڑ دینا اور فسادی کی اطاعت کرنا فرمایا : فرمان کیا ہے ؟ عرض کیا : تمہارا حصہ جو تمہیں پیش کردیا جائے اس سے تمہارا محروم ہوجانا ۔ فرمایا : سید کیا ہے (سردار) عرض کیا : بیوقوف سردار وہ ہے جو اپنی عزت کے معاملہ میں لاپرواہ ہو جسے گالی دی جائے اور وہ جواب نہ دے امور معاشرت میں پریشان حال ہو وہ بیوقوف سردار ہے۔ پھر حضرت علی (رض) نے فرمایا : اے بیٹے میں رسول اللہ (صلی اللہ علیہ وآلہ وسلم) کو ارشاد فرماتے سنا ہے کہ جہالت سے بڑا فقر کوئی نہیں عقلمندی سے بڑا مال کوئی نہیں عجب سے زیادہ وحشت زدہ کوئی تنہائی نہیں مشاورت سے مضبوط کوئی پشت پناہی نہیں حسن تدبیر کی طرح کوئی عقلمندی نہیں حسن اخلاق سے بڑھ کر کوئی خاندانی شرافت نہیں گناہوں سے بچے رہنے کی طرح کوئی تقویٰ نہیں فکر مندی کی طرح کوئی عبادت نہیں صبروحیاء کی طرح کوئی ایمان نہیں۔ میں نے رسول اللہ (صلی اللہ علیہ وآلہ وسلم) کو فرماتے سنا ہے جھوٹ باتوں کی آفت ہے علم کی آفت نسیان ہے بےوقوفی حکم کی آفت ہے فترت عبادت کی آفت سے بیہودہ کوئی طبع ظرفی کی آفت ہے سرکشی شجاعت کی آفت سے احسان جتلانا سخاوت کی آفت ہے تکبر و غرور خوبصورتی کی آفت ہے فخر حسب ونسب کی آفت ہے۔ میں نے رسول اللہ (صلی اللہ علیہ وآلہ وسلم) کو فرماتے سنا ہے کہ عقلمند کو چاہیے کہ وہ اپنے دن کے چار حصے کرلے ایک حصہ اپنے رب تعالیٰ سے مناجات کے لیے مقرر کردے ایک حصہ میں اپنے نفس کا محاسبہ کرے، ایک حصہ میں اہل علم کے پاس آئے جو اسے دینی بصیرت عطا کریں اور نصیحت کریں ایک حصہ دنیا کی حلال لذات سے لطف اندوز ہونے کے لیے مقرر کردے۔ عقلمند کو چاہے کہ وہ تین چیزوں کے لیے باہر نکلے تلاش معاش کے لیے خلوت معاد کے لیے ایسی لذت کے لیے جو حرام نہ ہو عقلمند کو چاہیے کہ وہ اپنی شان کو سمجھے اپنی شرمگاہ اور زبان کی حفاظت کرے اہل زمانہ کو پہچانتا ہو علم آدمی کا خلیل ہے عقل آدمی کی دلیل ہے علم اس کا وزیر ہے عمل آدمی کا ہمنوا ہے صبر آدمی کے لشکر کا امیر ہے نرمی آدمی کا والد ہے آسانی آدمی کا بھائی ہے۔
باپ ، بھائی، بیٹا
اے بیٹے : جس آدمی کو تم روز دیکھتے ہو اسے حقیر مت سمجھو اگر وہ تم سے بڑا ہو تو اسے اپنا باپ سمجھو اگر وہ تمہارا ہمعصر ہوا سے اپنا بھائی سمجھو اگر وہ عمر میں تم سے چھوٹا ہوا سے اپنا بیٹا سمجھو۔
رواہ الصابونی فی للئتین الطبرانی وابن عساکر