4483: ۔۔ (مسند صفوان بن عسال) صفوان بن عسال (رض) سے مروی ہے کہ ایک یہودی نے اپنے ساتھی کو کہا : آؤ اس نبی کے پاس چلیں۔ اس نے کہا : اس کو نبی نہ کہو، اگر سن لیا تو (خوشی سے) اس کی چار آنکھیں ہوجائیں گی۔ پھر وہ دونوں رسول اللہ (صلی اللہ علیہ وآلہ وسلم) کی خدمت میں آئے اور ن کھلی نشانیوں کے بارے میں پوچھا :
آپ (صلی اللہ علیہ وآلہ وسلم) نے فرمایا اللہ کے ساتھ کسی کو شریک نہ کرو، زنا نہ کرو، چوری نہ کرو، جس جان کو اللہ نے محترم کردیا اس کو قتل نہ کرو مگر کسی حق کے ساتھ، بادشاہ کے پاس کسی بےوضوء کو نہ لے جاؤ جو اس کو قتل کردے، جادو نہ کرو، سود نہ کھاؤ، پاکدامن پر تہمت نہ لگاؤ، اسلام کی لڑائی کے وقت پیٹھ دے کر نہ بھاگو اور اے یہودیو ! خاص طور پر تمہارے لیے یہ حکم ہے کہ ہفتہ کے دن تجاوز نہ کرو۔
چنانچہ ان یہودیوں نے آپ (صلی اللہ علیہ وآلہ وسلم) کے ہاتھوں اور پاؤں کو بوسے دیے اور بولے : ہم شہادت دیتے ہیں کہ آپ نبی ہیں آپ (صلی اللہ علیہ وآلہ وسلم) نے فرمایا : پھر تم کو کیا چیز مانع ہے کہ تم میری اتباع نہیں کرتے ؟ کہنے لگے : داؤد (علیہ السلام) نے دعا کی تھی کہ ان کی اولاد میں ہمیشہ کوئی نہ کوئی نبی رہے۔ اور ہمیں خوف ہے کہ (اگر ہم نے آپ کی اتباع کرلی تو) یہودی ہم کو قتل نہ کر ڈالیں۔ (ابن ابی شیبہ)