4538: ۔۔ حضرت علی (رض) سے مروی ہے کہ حضور اکرم (صلی اللہ علیہ وآلہ وسلم) کے عہد مبارک میں ایک شخص مدینے کی گلی میں چلا جا رہا تھا۔ آدمی کی نظر ایک عورت پر پڑی۔ عورت نے بھی آدمی کو دیکھا۔ دونوں کے دلوں میں شیطان نے بھی وسوسہ ڈالا اور دونوں کے دلوں میں یہ بات آئی کہ وہ مجھے پسند کرتا ہے اسی لیے اس نے مجھے دیکھا ہے۔ آدمی دیوار کے ساتھ چل رہا تھا اور نظر عورت کے سر پر مرکوز تھی۔ لہٰذا دیوار کے ساتھ ٹکرایا اور اس کی ناک کو چوٹ آگئی۔ (تب اس کو اپنے فعل پر ندامت ہوئی اور ) اس نے عہد کرلیا کہ اللہ کی قسم ! میں اپنی ناک سے خون نہیں دھوؤں گا جب تک رسول اللہ (صلی اللہ علیہ وآلہ وسلم) کی خدمت میں حاضر ہو کر اپنی ساری داستان نہ سناؤں گا۔ چنانچہ وہ شخص رسول اکرم (صلی اللہ علیہ وآلہ وسلم) کی خدمت میں حاضر ہوا اور اپنا قصہ آپ کی خدمت میں کہہ سنایا۔ حضور (صلی اللہ علیہ وآلہ وسلم) نے فرمایا : یہ تمہارے گناہ کی سزا تھی جو تم کو ملی۔ تب اللہ پاک نے یہ فرمان نازل فرمایا :
قل للمومنین یغضوا من ابصارہمن ویحفظوا فروجہم۔ النور۔ 30
مومن کو مردوں سے کہہ دو کہ اپنی نظریں نیچی رکھا کریں اور اپنی شرم گاہوں کی حفاظت کیا کریں۔